Nandurbar: दसरा मेळाव्‍यासाठी बस रवाना; सणासुदीच्या दिवशी बससेवा प्रभावित

नंदुरबार : जिल्ह्यातील चारही आगारातून १२० बसेस मुंबईला दसरा मेळाव्‍यासाठी गेल्याने प्रवासी वाहतुकीवर परिणाम झाला. ऐन सणासुदीच्या दिवशी बस (St Bus) सेवा प्रभावित झाल्‍याने नागरिकांचे हाल झाले. (Nandurbar News MSRTC Bus)

नंदुरबार (Nandurbar) जिल्ह्यातून शिंदे गटाच्या (Dasara Melava) दसरा मेळाव्यासाठी 120 बसेस बुक करण्यात आले होत्‍या. त्यामुळे जिल्ह्यातील एसटीच्या (MSRTC) वाहतुकीवर मोठा परिणाम झाल्याचे दिसून येत आहे. एसटी सेवा प्रभावीत झाल्याचा फटका सर्वसामान्य प्रवाशांना बसत असल्याचे चित्र दिसून येत आहे.

अनेक फेऱ्या झाल्‍या रद्द

नंदुरबार बस आगारातून सुटणाऱ्या अनेक बस फेऱ्या रद्द झाल्याने प्रवाशांना ऐन सणासुदीच्या दिवशी बसची वाट पाहत तात्काळत बसावे लागले. तर दुसरीकडे खाजगी प्रवासी वाहतूक करणाऱ्या वाहन धारकांकडून अचानक भाडेवाढ करण्यात आल्याच्या तक्रारी समोर येत आहेत.