Nandurbar News : शरद पवार, रोहित पवारांनी आत्मपरीक्षण करण्याची गरज; भाजप महामंत्री विजय चौधरी यांचे वक्‍तव्‍य

सागर निकवाडे

नंदुरबार : मागील काळातील शरद पवार यांचे राजकारण आपण बघितले, तर ते फक्त फोडाफोडीचे राजकारण (NCP) त्यांनी महाराष्ट्रात केले आहे. महाराष्ट्रातील अनेक ठिकाणी परिवारांमध्ये भांडण लावण्याचे काम (Sharad Pawar) शरद पवार यांनी केले. राष्ट्रवादीचे दिग्गज नेते हे शरद पवार यांना सोडून जात आहेत. रोहित पवार (rohit Pawar) यांनी आत्मपरीक्षण करण्याची गरज आहे; असे वक्‍तव्‍य भाजपचे महामंत्री विजय चौधरी यांनी केले आहे. (Live Marathi News)

अजित पवार यांनी केलेल्या बंडामुळे गेल्या काही दिवसांपासून महाराष्ट्राचे राजकारण चांगलं तापलं आहे. यातच आमदार रोहित पवार यांनी केलेला वक्तव्याला भाजपचे महामंत्री विजय चौधरी यांनी प्रत्युत्तर दिले आहे.

बंड हा राष्‍ट्रवादीचा अंतर्गत विषय

अजित पवारांसारखा कुशल नेता शरद पवार यांच्यापासून लांब जात आहे. कुठे ना कुठे त्यांना डावलण्याचा प्रयत्न केला जात होता. अजित पवारांविरोधात (Nandurbar News) कारस्थान रचले जात होते. त्यामुळे त्यांनी हा बंड केला आहे. राष्ट्रवादी काँग्रेस पार्टीचा हा अंतर्गत विषय असून यात भाजपचा कोणताही संबंध नाही; असे वक्तव्य (BJP) भारतीय जनता पार्टीचे महामंत्री विजय चौधरी यांनी केले आहे.