नंदुरबार : कोंडाईबारी घाटात मालवाहू ट्रकचा बिघाड झाल्याने ५ तास वाहतूक ठप्प!

नंदुरबार : नवापुर तालुक्यातील कोंडाईबारी (Kondaibari) घाटात लोखंडी पाईप घेऊन जाणारा ट्रकमध्ये बिघाड झाल्याने, सदर ट्रक घाट रस्त्याच्या मध्यभागी बंद पडल्याने कोंडाईबारी घाट रस्त्याच्या दुतर्फा वाहतूक ठप्प झाली होती. कोंडाईबारी घाटात महामार्गाचे (Highway) काम जोमात सुरू आहे. याठिकाणी संपूर्ण रस्त्यावर खडी मुरुम असल्याने वाहतूक धीम्या गतीने सुरू आहे. त्यातच ट्रकमध्ये (Truck) बिघाड झाल्याने महामार्गावर दोन्ही बाजूंनी वाहनांच्या रांगा लागल्या होत्या.

हे देखील पहा :

गुजरात (Gujrat) ज्यात तसेच नाशिक, जळगाव, धुळे याठिकाणी जाणाऱ्या व येणाऱ्या एसटी (ST) महामंडळाच्या बसेस वाहतूककोंडीत अडकून पडल्याने प्रवाशांना ताटकळत थांबावे लागले. वाहतुकीला अडथळा ठरणाऱ्या या ट्रकला घाटातील वाहतूक शाखेच्या पथकाने अथक प्रयत्नानंतर क्रेनच्या मदतीने बाजूला सारून वाहतूक सुरळीत केली. दरम्यान ट्रक चालक व प्रवाशांचे हाल झाले.

Edited By : Krushnarav Sathe