Nanded News: एसबीआयचे दोन एटीएम जळून खाक; नांदेड शहरात चोवीस तासातील घटना

नांदेड : नांदेड शहरात मागच्‍या 24 तासांत एसबीआय बँकेच्या दोन ठिकाणच्या एटीएमला भिषण आग (Fire) लागली. या आगीत जिवीतहानी झाली नाही. मात्र, आगीत मशीनमधील पैसे आणि साहित्य जळून खाक झाले आहे. (Maharashtra News)

नांदेडमध्‍ये (Nanded) बुधवारी पहाटे पाच वाजता नविन मोंढ्यातील एसबीआय बँक (Bank) परिसरातील एटीएमला आग लागली. आगीत एटीएमसह (ATM) स्टोअर रुममधील साहित्य जळाले. तर मध्यरात्री भावसार चौकात एसबीआय बँकेच्याच दुसऱ्या एटीएमला आग लागली. या आगीत देखील पैसे आणि मशीन जळून खाक झाले. आग्निशामक दलाच्या पथकाने शर्थीचे प्रयत्न करुन आग विझवली त्यामुळे मोठा अनर्थ टळला.

आगीचे कारण गुलदस्‍त्‍यात

दरम्यान, आग कश्यामुळे लागल्‍या आणि आगीत किती लाखांच नुकसान झाले. हे मात्र अद्याप समजू शकले नाही. पोलिसांनी घटनास्थळाचा पंचनामा केला असून, अवघ्या 24 तासांत एसबीआय बँकेच्या दोन एटीएम ला आग लागल्याने आश्चर्य व्यक्त केले जात आहे.