Accident News: गर्भवती मुलीसह पित्‍याचा मृत्‍यू; महामार्गावरील खड्ड्यामुळे झाला अपघात

नांदेड : मोटारसायकलवरून जात असताना रस्‍त्‍यावरील खड्ड्यामुळे पित्यासह गर्भवती मुलीचा मृत्यू झाल्‍याची हृदयद्रावक घटना घडली. लातूर- नांदेड महामार्गावर सदर घटना घडली आहे. रात्रीच्‍या सुमारास अपघात झाल्‍याने लवकर मदत मिळू शकली नाही. (Tajya Batmya)

नांदेडमध्ये (Nanded) मोटारसायकलसह खड्यात पडून पित्यासह- गर्भवती लेकीचा मृत्यू (Accident Death) झाल्याची दुर्दैवी घटना घडली. कंधार तालुक्यातील सोमासवाडी येथील बालाजी रासवते हे सात महिन्‍याची गर्भवती असलेल्या मुलगी राजश्री हिस उदगीर येथून आणण्यासाठी दुचाकीवर गेले. पिता व गर्भवती मुलगी दुचाकीने प्रवासाला निघाले होते.

दुचाकीसह दोघे खड्ड्यात पडले

दुचाकीवर सोमासवाडीकडे येत असताना लातूर- उदगीर राष्ट्रीय महामार्गाचे काम चालु असलेल्या खड्यात दुचाकीसह दोघे पडले. रात्री उशिरा अपघात झाल्याने मदत मिळाली नाही. त्यामुळे दोघांचाही मृत्यू झाला. या दुर्दैवी घटनेमुळे गावात हळहळ व्यक्त होत आहे.