नांदेड : गंभीर भाजलेल्या आठ वर्षीय बालकाचा उपचारादरम्यान मृत्यू

नांदेड : शहरापासून जवळच असलेल्या वाजेगाव परिसरातील तथागतनगरमध्ये राहणारा इरफान शेख फैय्याज (वय आठ वर्ष) हा घरासमोर पेटविलेल्या जाळात रविवारी (ता. २५) सकाळी साडेनऊ वाजताच्या सुमारास गंभीर भाजला होता. त्याच्यावर विष्णूपुरी येथील शासकिय रुग्णालयात उपचार सुरु होता. मात्र त्याचा उपचारादरम्यान अखेर मृत्यू झाला. या प्रकरणाची नोंद नांदेड ग्रामिण पोलिस ठाण्यात करण्यात आली. Nanded- eight-year-old- boy- died- burns -while treatment

घरासमोरील कचरा जाळत असताना इरफान शेख भाजला होता. त्याच्यावर रुग्णालयात उपचार सुरु असताना मात्र मृत्यू झाला. वाजेगाव परिसरातील तथागतनगरमध्ये राहणारा इरफान शेख फैय्याज (वय आठ वर्ष) हा आपल्या घरासमोरील कचरा जाळत होता. कचरा जाळत असताना त्याच्या अंगावरील कपड्याने अचानक पेट घेतला. यात त्याचे हात, पोट, चेहरा, छाती चांगलीच भाजली होती. यात तो गंभीर जखमी झाल्याने नातेवाईकांनी त्याला विष्णुपूरी येथील शासकिय रुग्णालयात उपचारासाठी दाखल केले होते.

हेही वाचा- शिबिरामध्ये 177 रुग्णांनी विविध आजारांची तपासणी करुन घेतली तर 150 नागरिकांनी कोविड लस घेतली.

विष्णुपुरी येथील शासकीय रुग्णालयात बालकवार्ड क्रमांक 57 मध्ये दाखल केले. त्याच्यावर उपचार करण्यात येत असतानाच त्याचा मृत्यू झाला. याप्रकरणी शेख इमरान शेख फैयाज याच्या माहितीवरुन नांदेड ग्रामीण पोलिस ठाण्यात आकस्मिक मृत्यूची नोंद करण्यात आली आहे. पोलिस हवालदार शेख जावेद करत आहेत.