नागपूर पोलीस आता करणार चंदनाच्या झाडांची सुरक्षा!

आता शहरातील चंदनाची झाडं शोधून त्यांची सुरक्षा करण्याचे आदेश पोलीस आयुक्त अमितेशकुमार यांनी सर्व पोलीस ठाण्यांना दिले आहेत. त्यामुळं या अजब आदेशाची शहरात सर्वत्र चर्चा आहे.
नागपूर पोलीस आता करणार चंदनाच्या झाडांची सुरक्षा!
नागपूर पोलीस आता करणार चंदनाच्या झाडांची सुरक्षा!संजय डाफ
Published On

संजय डाफ

नागपूर : नागपूरात Nagpur एकीकडे गुन्हेगारी Crime वाढत असताना ही गुन्हेगारी ठेचून काढण्याचं मोठं आव्हान पोलिसांसमोर आहे. त्यात आता शहरातील चंदनाची झाडं Sandalwood Tree शोधून त्यांची सुरक्षा करण्याचे आदेश पोलीस आयुक्त अमितेशकुमार यांनी सर्व पोलीस ठाण्यांना दिले आहेत. त्यामुळं या अजब आदेशाची शहरात सर्वत्र चर्चा आहे.

हे देखील पहा-

नेमके प्रकरण;

12 जुलै ला पोलीस उपायुक्त नरुल हसन यांच्या शासकीय बंगल्यातील चंदनाची झाडं चोरीला गेली होती. थेट पोलीस उपयुक्तांच्या शासकीय बंगल्यात चोरी झाल्यानं शहरात पोलिसांचा शहरात धाक राहिला नाही, असा प्रश्न उपस्थित झाला होता. त्यामुळं आरोपींना पकडण्याचं मोठं आव्हान पोलिसांसमोर होतं. तब्बल 17 दिवसानंतर पोलिसांनी या प्रकरणातील दोन आरोपींना अटक केली आहे.

नागपूर पोलीस आता करणार चंदनाच्या झाडांची सुरक्षा!
हृदयद्रावक ! नुकत्याच जन्मलेल्या नकोशीला गावाच्या बाजुला दिलं फेकून...

या प्रकरणानंतर शहर पोलीस आयुक्त अमितेशकुमार यांनी शहरातील चंदनाची झाडं शोधून त्यांचं रक्षण करण्याचे तोंडी आदेश दिले. त्यामुळं गुन्हेगारी रोखायची की चंदनाच्या झाडांचं रक्षण करायचं असा प्रश्न पोलिसांना पडला आहे.

आधीच शहरात पोलिसांची संख्या कमी आहे, गुन्हेगारीवर नियंत्रण ठेवण्याची जबाबदारी आहे, त्यात आता चंदनाची झाडं शोधून त्यांची सुरक्षाही पोलिसांना करावी लागणार असल्यानं पोलिसांवरचा ताण वाढणार आहे.

Edited By- Sanika Gade

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com