Nitin Gadkari Threat Case: '...म्हणून नितीन गडकरींना जीवे मारण्याची धमकी दिली' आरोपी जयेश पुजारीचा खळबळजनक खुलासा

Nagpur News: केंद्रीय मंत्री नितीन गडकरी यांच्या कार्यालयात धमकीचे फोन करणारा आरोपी जयेश पुजाराला नागपूर पोलिसांनी ताब्यात घेतलं आहे. जयेश पुजारा याला बेळगाव तुरुंगातून ताब्यात घेऊन विमानाने नागपुरात आणण्यात आले आहे. पोलिसांच्या चौकशीमध्ये आरोपीने धक्कादायक खुलासा केला आहे.

पुजारीला जन्मठेपेची शिक्षा झाली आहे. त्यामुळं त्याने जेलमधून पळून जाण्यासाठी जेलमधूनच गडकरींच्या कार्यालयात फोन करुन धमकी दिली होती, असा खुलासा त्याने केला आहे. मात्र सध्या तरी पोलिस त्याच्या स्पष्टीकरणावर समाधानी नसून या संपूर्ण प्रकरणाचा सखोल तपास करत आहेत. (Latest Marathi News)

याबाबत अधिक माहिती अशी की, केंद्रीय मंत्री नितीन गडकरींच्या (Minister Nitin gadkari) कार्यालयात धमकीचे फोन करणारा कुख्यात गँगस्टर जयेश पुजारीनं (Jayesh Pujari) बेळगाव आणि नागपूर पोलिसांच्या (Nagpur Police) चौकशीत काही धक्कादायक खुलासे केले आहेत.

जयेश पुजारीला काहीही करुन बेळगावच्या तुरुंगातून बाहेर निघायचे होते. त्यासाठीच तुरुंगातून असे काही कृत्य करायचे की दुसऱ्या ठिकाणी गुन्हा नोंद होऊन तिथे नेण्यासाठी पोलिस इथून बाहेर काढतील आणि संधी मिळताच पळून जायचं, अशी त्याची योजना असल्याचे पोलिस चौकशीत समोर आले आहे.

या चौकशीमध्ये धमकीचे फोन करण्यामागे  प्रकाश झोतात येण्याची योजना होती असे जयेश पुजारीने चौकशी करणाऱ्या अधिकाऱ्यांना सांगितले आहे. मात्र पोलिस त्याच्या या खुलाश्यावर समाधानी नसून त्याची आणखी कसून चौकशी होणार असल्याचे सांगण्यात आले आहे...