Nagpur News: ७ लाखाचे ५३ मोबाईल हरविले; पोलिसांकडून शोध करत मूळ मालकांना परत

नागपूर : नागपूरच्या सीताबर्डी पोलिसांनी हरवलेले ५३ मोबाईल शोधून ते मूळ मालकाच्या हवाले केले. या सगळ्या मोबाईलची (Mobile) किंमत जवळपास सात लाखांच्या घरात आहे. मात्र हरवलेला मोबाईल मिळाल्याची खुशी नागरिकांच्या चेहऱ्यावर (Nagpur News) पाहायला मिळत होती. (Tajya Batmya)

नागपूरच्या सीताबर्डी पोलीस स्टेशन हद्दीत सीताबर्डी मार्केट आहे. या मार्केटमधून मोबाईल चोरी जाण्याचे किंवा मिसिंग होण्याचे प्रमाण खूप मोठ्या प्रमाणात आहे. मात्र एकदा हरवलेला किंवा चोरी गेलेला मोबाईल मिळेलच याची शाश्वती फार कमी असते. मात्र पोलिसांच्या सायबर विभागाने आणि पोलिसांनी जेवढ्या तक्रारी दाखल झाल्या होत्या. त्या सगळ्या मोबाईलचा शोध घेण्याचा प्रयत्न केला आणि त्यातून 53 मोबाईल मिळविण्यात पोलिसांना यश आले.

पोलिसांनी हे सगळे मोबाईल सगळी कारवाई पूर्ण करत मूळ मालकांच्या हवाले केले. यामुळे नागरिकांचा पोलिसांवरील विश्वास चांगलाच वाढल्याच चित्र पाहायला मिळते. तर दुसरीकडे मोबाईल मिळाल्याचा आनंद सुद्धा नागरिक व्यक्त करताना दिसते. त्यामुळे पोलीस सुद्धा आव्हान करतात की तुमचा मोबाईल हरवला असल्यास तक्रार करा आम्ही तो शोधून काढू.