Nagpur Crime News: 'मुलीची हत्या करण्यासाठी जातोय, थांबू शकत असाल तर थांबवा', माथेफिरू प्रेमीच थेट पोलिसांना आव्हान

Nagpur Latest Crime News : नागपुरात एक धक्कादायक घटना समोर आली आहे. येथे एका माथेफिरू रोड रोमियोने थेट पोलिसांना आव्हान दिलं आहे. या माथेफिरू तरुणाने पोलीस नियंत्रण कक्षाला फोन करत, मी मुलीच्या घरी तिची हत्या करायला जात आहे. थांबू शकत असाल तर थांबवा'', असं थेट आव्हान त्याने पोलिसांना दिलं. यानंतर हा तरुण मुलीच्या घरी गेला. संजू तिवारी असं या तरुणाचं नाव असून पोलिसांनी त्याला अटक केली आहे.

मिळालेल्या माहितीनुसार, हा प्रकार राणा प्रताप नगर पोलिसांच्या हद्दीतील आहे. माथेफिरू तरुण हा त्याच्या ओळखीच्या एका मुलीच्या एकतर्फी प्रेमात पडला होता. या दोघांचेही मैत्रीचे संबंध होते. परंतु मुलाला या पेक्षा पुढे वाढत हे नाते प्रेमसंबंधात बदलायचे होते. मात्र मुलीला हे मान्य नव्हतं.

यामुळेच संतापलेल्या या तरुणाने मुलीला त्रास देण्यास सुरुवात केली. या मुलाने तिचा विनयभंग करत तिला जीवे मारण्याची धमकीही दिली. इतकंच काय तर त्याने मुलीच्या घरी जात मोठं भांडणही केलं होतं. (Latest Marathi News)

हा माथेफिरू तरुण इतक्यावरच थांबला नाही. त्याची मजल इतकी वाढली की, त्याने थेट पोलिसांनाच आव्हान दिलं. या तरुणाने पोलिसांना मुलीच्या घरी जाऊन तिची हत्या करणार असल्याचे सांगितले आणि तिच्या घरी गेला. मुलीच्या घरी आल्यानंतर या तरुणाने मोठी भांडण करत मुलीला आणि तिच्या कुटुंबियांना शिवीगाळ करण्यास सुरुवात केली. त्याने जोरजोरात ओरडत मुलीला जीवे मारण्याची धमकीही दिली.

हा संपूर्ण प्रकार सुरु असताना मुलीच्या आईने पोलिसांना (Police) फोन करत घडलेल्या घटनेची माहिती दिली. मुलीच्या आईच्या फोननंतर पोलीस लगेचच घटनास्थळी दाखल झाली आणि या माथेफिरुला अटक केली.