Mira Bhayandar Crime : वयोवृद्धाला ब्लॅकमेल करून मागितली खंडणी; चार महिलांसह एकजण ताब्यात

महेंद्र वानखेडे

मिरा भाईंदर : एका वयोवृद्ध व्यक्तीसोबत मैत्री करून नंतर त्याला फसवून, खोटे आरोप लावत मारहाण आणि ब्लॅकमेल करत पैसे मागण्याचा प्रकार काशिगाव पोलीस ठाण्याच्या हद्दीत घडला होता. या प्रकरणात पोलिसांनी पाच जणांना ताब्यात घेतले आहे. यात चार महिला व एका पुरुषाचा समावेश आहे. 

काशिगाव पोलीस (Police) ठाण्याच्या हद्दीत राहणाऱ्या एका ६० वर्षीय वयोवृद्ध व्यक्तीला काही दिवसांपूर्वी एका अनोळखी व्यक्तीचा फोन आला. फोनवर असलेल्या समोरच्या महिलेने त्यांच्या मैत्रिणीने फोन नंबर दिला असून नोकरीच्या कामाबाबत भेटायचे असल्याचे सांगितले. त्यानंतर ते काशिमीरा परिसरात भेटले व त्यांच्यात बोलणे झाले. मात्र ऊन जास्त असल्याने हॉटेलमध्ये बसून बोलू; असे सदर महिलेने सांगितल्याने सर्व जण हॉटेलमध्ये गेले. 

मात्र हॉटेलमध्ये गेल्यावर (Crime News) महिलेने वृद्धासोबत गैरकृत्य करण्यास सुरवात केली. त्यानंतर पैसे मागण्यास सुरवात केली. तसेच तिच्या साथीदाराना बोलवून वृद्धास रिक्षात बसवून बोरिवली व उत्तन परिसरात घेऊन जाऊन पैसे देण्यासाठी मारहाण करण्यात आली होती. १ लाख रुपये न दिल्यास त्यांचा व्हिडीओ व्हायरल करण्याची धमकी देखील देण्यात दिली. सदर घडल्या प्रकाराबाबत वृद्धाने पोलिसात जात तक्रार दिली. तक्रारदाराच्या सांगण्यानुसार पोलिसांनी गुन्हा दाखल करत पाच आरोपीना अटक केली आहे.