लातूरच्या मेडिकल कॉलेज मधील मार्डचे निवासी डॉक्टर संपावर

लातूर: राज्यभरातील शासकीय वैद्यकीय महाविद्यालयातील निवासी डॉक्टरांनी आज संप पुकारला आहे. त्यानुसार लातूर जिल्ह्यातील शासकीय वैद्यकीय महाविद्यालयातील मार्डच्या डॉक्टरांनी देखील आज लातुरात संप सुरु केलाय. (Mard's resident doctor on strike at Latur Medical College)

हे देखील पहा -

निवासी डॉक्टरांना प्रोत्साहन भत्ता देण्यात यावा, अकॅडमिक लॉसमुळे शैक्षणिक शुल्क माफ करण्यात यावं, कनिष्ठ डॉक्टरांच्या हॉस्टेल्समध्ये अनेक त्रुट्या आहेत त्या त्रुट्या दूर कराव्यात, मुंबईतील निवासी डॉक्टरांचे टीडीएस कट न करता पूर्ण स्टाय फंड त्यांच्या हातात देण्यात यावा, यांसह ईतर मागण्यांसाठी मार्डच्या निवासी डॉक्टरांनी आज संप पुकारला असून वारंवार सरकारकडे मागण्या करूनही त्या पूर्ण न झाल्यानं संपाचं पाऊल उचलावं लागलं असल्याचं त्यांनी सांगितलं.

जोपर्यंत मागण्या पूर्ण होणार नाहीत आणि जोपर्यंत मागण्या पूर्ण झाल्याचं शासनाकडून लेखी कळवलं जात नाही तोपर्यंत संप सुरु राहणार असल्याचा ईशारा देखील यावेळी देण्यात आलाय.

Edited By - Akshay Baisane