Ladki Bahin Yojana: लाडक्या बहिणीमुळे शेतकऱ्यांना फटका, मराठवाड्यात ठिबक सिंचन अनुदान थकलं

मुख्यमंत्री माझी लाडकी बहीण योजनेबाबत महत्त्वाची बातमी समोर आली आहे. लाडकी बहीण योजनेमुळे आता बळीराजालादेखील फटका बसलेला आहे.मराठवाड्यात ठिबक सिंचनचं अनुदान थकलं आहे. त्यामुळे बळीराजाच्या खिशाला चांगलाच फटका बसत आहे. लाडकी बहीण योजनेला लागलेल्या निधीमुळे शेतकऱ्यांना हा फटका बसला असल्याचे सांगितले जात आहे. (Ladki Bahin Yojana)

मराठवाड्यात शेतकऱ्यांना मिळणारे ठिबक सिंचनचं अनुदान आता थांबवले आहे. छत्रपती संभाजीनगरमध्ये ५ कोटी ६० लाख रुपयांचे अनुदान थकलं आहे. निधी मिळत नाही त्यामुळे शेतकऱ्यांना पैसे कुठून द्यायचे, असा प्रश्न कृषी विभागासमोर आहे. फक्त संभाजी नगरमध्येच ५ कोटींपेक्षाही जस्त अनुदान थकलं आहे.

अनेक शेतकऱ्यांनी स्वतः चे पैसे खर्च करुन ठिबक सिंचन बसवले आहे. मात्र, अजूनही त्या शेतकऱ्यांच्या खात्यात अनुदानाचे पैसे जमा झाले नाहीत.त्यामुळे लाडक्या बहि‍णींमुळे बळीराजालादेखील फटका बसला आहे.

लाडकी बहीण योजनेचा फेब्रुवारी महिन्याचा हप्ता जमा केला जाणार आहे. लाडकी बहीण योजनेसाठी मोठ्या प्रमाणात निधी खर्च केला जात आहे. याचाच फटका इतर अनेक योजनांना बसत आहे. विकासकामे रखडली आहे.

विधानसभा निवडणूकीपूर्वी लाडकी बहीण योजनेसाठी मोठ्या प्रमाणात निधी वापरला गेला. इतर अनेक योजनांसाठी, कामांसाठी असलेला निधीदेखील या योजनेसाठी वापरला असल्याचे सांगितले जात आहे. त्यामुळे त्या त्या विभागांमध्ये निधी उपलब्ध नाही आहे. ठिबक सिंचन, वेगवेगळ्या अवजारांसाठी मिळणारे अनुदान शेतकऱ्यांना मिळत नाही. शेतकऱ्यांनी या योजनेसाठी अनुदानासाठी अर्जदेखील भरले आहेत.परंतु अनुदान अद्याप जमा झालेले नाहीत.