Beed Dasara Melava : मनोज जरांगे की पंकजा मुंडे, कुणाच्या दसरा मेळाव्याला सर्वाधिक गर्दी? VIDEO आला समोर

बीड : जिल्ह्यामध्ये आज दोन दसरा मेळावे होत आहेत. भाजप नेत्या पंकजा मुंडे यांचा सावरगाव येथील भगवान गडावर मेळावा होणार आहे. तर मनोज जरांगे पाटील नारायण गडावर दसरा मेळावा घेत आहेत. या दसऱ्या मेळाव्याच्या निमित्ताने पंकजा मुंडे आणि त्यांचे बंधू धनंजय मुंडे हे पहिल्यांदाच एका मंचावर येणार आहेत. याशिवाय मेळाव्याला ओबीसी नेते लक्ष्मण हाकेही हजेरी लावणार आहेत.

तर, दुसरीकडे नारायण गडावर जरांगे पाटील यांचा हा पहिलाच दसरा मेळावा आहे. दरम्यान, दोन्ही मेळाव्यांसाठी नागरिकांनी गर्दी करण्यास सुरुवात केली आहे. पंकजा मुंडे आणि धनंजय मुंडे भगवान गडावर दाखल झाले आहेत. त्यांची भाषणे ऐकण्यासाठी हजारो ओबीसी बांधव दाखल झाले आहेत.

दुसरीकडे मनोज जरांगे पाटील यांचे देखील भगवान गडावर आगमन झाले आहे. त्यांच्या स्वागतासाठी लाखो मराठा बांधव उपस्थित आहे. दरम्यान, भगवान गड आणि नारायण गडावरील गर्दीचा व्हिडीओ समोर आला आहे. थोड्याच वेळात दोन्ही नेत्यांच्या भाषणाला सुरुवात होणार आहे. त्यामुळे दोघेही काय बोलतात याकडे संपूर्ण महाराष्ट्राचं लक्ष लागून आहे.