Manoj Jarange : मोठी बातमी! मनोज जरांगेंच्या मराठा आंदोलनाला मिळाली एका दिवसाची मुदतवाढ

Maratha Reservation Protest : मनोज जरांगे पाटील यांनी मुंबईच्या आझाद मैदानावर मराठा आरक्षणाच्या मागणीसाठी उपोषणाला सुरुवात केली. या उपोषणाला, मराठा समाजाच्या आंदोलनाला आज (२९ ऑगस्ट) संध्याकाळी सहा वाजेपर्यंतची मुदत देण्यात आली. सहा वाजता मराठा आंदोलनाची मुदत वाढवल्याची माहिती समोर आली. अटीशर्थींसह मराठा आंदोलनाला एका दिवसाची मुदतवाढ देण्यात आली आहे.

मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री अजित पवार अशा सर्वच नेत्यांनी मराठा आंदोलनावर प्रतिक्रिया दिली आहे. त्यांनी चर्चा करण्याचा प्रस्ताव मांडला आहे. कोर्टाने आंदोलनाला दिलेली मुदत संपल्यानंतर आंदोलनाला आणखी एका दिवसाची मुदत देण्यात आली. आता उद्या (२९ ऑगस्ट) उपोषण केले जाणार आहे. सायंकाळी सात वाजता मनोज जरांगे पाटील पत्रकार परिषद घेणार आहेत. या पत्रकार परिषदेमध्ये पुढील भूमिका स्पष्ट केली जाईल असे म्हटले जात आहे.