चक्क टोमॅटोच्या कॅरेटमधून दारुची वाहतूक; अवैध दारु विकण्यासाठी लढवली अनोखी शक्कल

नाशिक : 31 डिसेंबरच्या पार्श्वभूमीवर राज्य उत्पादन शुल्क विभागाची कारवाई नाशिकमध्ये चक्क टोमॅटोच्या कॅरेटमधून मद्याची चोरटी वाहतूक केली जात असल्याचा धक्कादायक प्रकार समोर आला आहे. राज्य उत्पादन शुल्क विभागाच्या धडक कारवाईत हा प्रकार समोर आला आहे. 31 डिसेंबरच्या पार्श्वभूमीवर राज्य उत्पादन शुल्क विभागानं सापळा रचून नाशिक-त्र्यंबकेश्वर (Nashik-Trimbakeshwar) रस्त्यावर अवैध मद्याचा तब्बल 7 लाखांचा साठा जप्त करण्यात आला आहे. (Major action taken by State Excise Department in Nashik)

हे देखील पहा -

महाराष्ट्रात विक्रीसाठी प्रतिबंध असलेला मद्याचा हा साठा दादरा नगर हवेली या केंद्रशासित प्रदेशातून बेकायदेशीर रित्या राज्यात विक्रीसाठी आणला जात होता. धक्कादायक बाब म्हणजे टोमॅटोची वाहतूक करणाऱ्या पीक अप वाहनातून टोमॅटो कॅरेटमधून टोमॅटो ऐवजी चक्क अवैध मद्याची वाहतूक केली जात होती. या धडक कारवाईत राज्य उत्पादन शुल्क विभागानं (State Excise Department) अवैध मद्यासह तब्बल 15 लाखांचा मुद्देमाल जप्त केला असून दोघांना अटक केली आहे.

दरम्यान दादरा नगर हवेली (Dadra Nagar Haveli) या केंद्रशासित प्रदेशातून राज्यात अवैध मद्यसाठ्याची वाहतूक केली जात असल्याचं या कारवाईवरून स्पष्ट झालं असून राज्य उत्पादन शुल्क विभागाकडून आता याचा सखोल तपास सुरू करण्यात आला आहे.

Edited By - Jagdish Patil