Maharashtra Swine Flu - यावर्षी 1 जानेवारी ते 28 ऑगस्ट या कालावधीत महाराष्ट्रात स्वाइन फ्लूचे 2,337 रुग्ण आढळले आहे. तर 98 लोकांचा मृत्यू झाला आहे. यानंतर सोमवारी राज्याच्या आरोग्य विभागाने गणेशोत्स साजरा करताना काळजी घेण्याचे आवाहन केले आहे. आरोग्य विभागानं दिलेल्या माहितीनुसार 19 जिल्ह्यांमध्ये स्वाइन फ्लूने (Swine Flu) डोकं वर काढलं आहे. त्यापैकी 770 प्रकरणे ही एकट्या पुण्यातील (Pune) आहे तर 33 रुग्णांचा मृत्यू झाला आहे.
हे देखील पाहा -
आरोग्य विभागाकडून सणासुदीच्या काळात लोकांना सावध राहण्याचा सल्ला देण्यात आला आहे. गणेश चतुर्थीला होणारी गर्दी पाहता नागरिकांना सतर्क राहण्याचे आवाहन आरोग्य विभागाकडून करण्यात आले आहे. इन्फ्लूएंझा सारख्या आजारानं ग्रस्त असलेल्या लोकांनी सार्वजनिक ठिकाणी जाणं टाळावे, असे देखील आवाहन करण्यात आले आहे.
विभागाकडून मिळालेल्या माहितीनुसार, मुंबईत 348 रुग्ण आढळून आले असून तीन रुग्णांचा मृत्यू झाला आहे. तर ठाण्यात 474 रुग्ण आढळून आले असून 14 रुग्णांचा मृत्यू झाला आहेत. या कालावधीत कोल्हापुरात 159 रुग्ण आढळले असून 13 रुग्णांचा मृत्यूची नोंद झाली आहे.
पुण्यात सर्वाधिक रुग्ण
1 जानेवारी ते 28 ऑगस्ट दरम्यान पुण्यात सर्वाधिक 770 रुग्ण आढळले आहेत. त्याखालोखाल ठाणे (474), मुंबई (348), नाशिक (195) आणि कोल्हापूर (159) आहे. तर पुण्यात 33 रुग्णांचा मृत्यू झाला आहे. त्यापाठोपाठ ठाणे (14), कोल्हापूर (13), नाशिक (12), सातारा (5), अहमदनगर (5) आणि मुंबई (3) यांचा क्रमांक लागतो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.