खासदार अमोल कोल्हेंना कुणाची ऑफर? ठाकरेंनंतर पवारांच्या राष्ट्रवादीचे खासदारही फुटणार?

ऐकलतं. हे आहेत शरद पवारांच्या राष्ट्रवादीचे खासदार अमोल कोल्हे पुणे- नाशिक रेल्वेच्या संदर्भात बोलताना खासदार कोल्हेंनी महायुतीची ऑफर आल्यास विचारू करू, असं विधान केलं. आणि ठाकरेंनंतर शरद पवारांच्या राष्ट्रवादीचे खासदारही फुटणार असल्याची चर्चा रंगलीय.

आधीच डिलिमिटेशन विधेयकाच्या मंजुरीसाठी सत्ताधाऱ्यांकडून फोडाफोडीचं राजकारण केलं जात असल्याचा आरोप विरोधकांनी केलाय. त्यात अमोल कोल्हेंच्या या विधानानंतर एकच खळबळ माजली.राऊतांनी कोल्हेंचं विधान दुर्देवी असल्याचं म्हटलं. तर कोल्हेंनी शरद पवारांसोबत राहणार असल्याचं स्पष्ट केलं.

दुसरीकडे ऑफर आली तर कोल्हेंनी जायचं ठरवलयं. त्यामुळे राष्ट्रवादीतही बदलाचे वारे वाहतायत, असं विधान संजय शिरसाटांनी केलयं. ठाकरेंच्या खासदारांच्या बंडखोरीनंतर शरद पवारांचे खासदारही फुटणार असल्याची चर्चा महाराष्ट्रात सुरु झाली होती. त्त्यात कोल्हेंनी विधान केल्यामुळे आता या चर्चेला अधिकच जोर आलाय. त्यामुळे भविष्यात पवारांचे खासदार पक्षाशी एकनिष्ठ राहणार की विकासकामांच्या नावाखाली बंडखोरी करत सत्ताधाऱ्यांच्या गोटात सामील होणार? हे पाहणं महत्त्वाचं आहे.