Maharashtra Politics : नवी मुंबईत ५ हजार कोटींचा घोटाळा? शिंदेंच्या आमदारावर गंभीर आरोप; पुरावेही समोर

विकास मिरगणे, साम टीव्ही, प्रतिनिधी

Rohit Pawar's Allegations Against Sanjay Shirsat : नवी मुंबईत तब्बल ५ हजार कोटी रुपयांच्या जमीन घोटाळ्याचा आरोप करण्यात आला आहे. राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी घोटाळ्याचा आरोप केल्याची माहिती समोर आली आहे. रोहित पवार यांनी संजय शिरसाट यांच्यावर घोटाळ्याचा आरोप केला आहे.

नवी मुंबईत ५ हजार कोटींचा जमीन घोटाळा झाल्याचे आमदार रोहित पवार यांनी म्हटले आहे. हा घोटाळा ५० हजार कोटी रुपयांपर्यंत जाऊ शकतो असा दावा देखील पवार यांनी केला आहे. त्यांनी बारा हजार पानांची कागदपत्रे आणि घोटाळ्यासंबंधित पुरावे घेऊन मुख्यमंत्री देवेंद्र फडणवीस यांच्याकडे तक्रार दाखल केली आहे.

रोहित पवार यांनी नवी मुंबईतील जमीन घोटाळा प्रकरणात सिडकोचे माजी अध्यक्ष आणि आमदार संजय शिरसाट यांच्या राजीनाम्याची मागणी केली आहे. संजय शिरसाट यांनी अध्यक्ष असताना नवी मुंबईतील १५० एकर जमीन बिवलकर यांना दिली होती. या व्यवहारात ५ हजार कोटींचा भष्ट्राचार झाल्याचे पवारांनी म्हटले आहे.

संजय शिरसाट यांनी नवी मुंबईत १५० एकर जमीन बिवलकर यांना दिली होती. त्यातून ५ हजार कोटींचा भष्ट्राचार झाला आहे. या पैशांमधून शिरसाट यांनी हॉटेल्स आणि एमआयडीसीमधील भूखंड खरेदी केले आहेत. या व्यवहारातून स्थानिक भूमिपुत्रांचे मोठे नुकसान झाले आहे, असे रोहित पवार यांनी म्हटले आहे. या गंभीर आरोपांमुळे राजकारणात मोठी खळबळ उडाली आहे.