Sandabhau Khot: सदाभाऊ खोतांची जीभ पुन्हा घसरली, संजय राऊतांबाबत म्हणाले की...

राष्ट्रवादी काँग्रेस शरद पवार गटाचे सर्वसर्वा शरद पवार यांच्याबाबत आक्षेपार्ह विधान करणाऱ्या सदाभाऊ खोत यांच्यावर संजय राऊत यांनी टीका केली होती. सदाभाऊ खोत हा तर देवेंद्र फडणवीसांचा कुत्रा आहे, असे वक्तव्य संजय राऊत यांनी केले होते. आता सदाभाऊ खोत यांनी संजय राऊत यांच्या टीकेला प्रत्युत्तर दिले आहे. 'संजय राऊत हे महाविकास आघाडीचे डुक्कर आहे. डुकराला कितीही साबण लावला तरी ते घाणीत जात असतं. संजय राऊत यांनी आम्हाला कुत्र्याची उपमा दिली पण कुत्रे हे इमानदार असतात ते धन्याची राखण आणि संरक्षण करतात.', असे वक्तव्य सदाभाऊ खोत यांनी केले आहे.

सदाभाऊ खोत यांनी सांगितले की, 'संजय राऊतला गावगाडा माहिती नाही. त्यामुळे राखण करणारा कुत्रा म्हणजे काही माहित नाही. पण तुम्ही २०१४ ला नरेंद्र मोदी यांचा फोटो गळ्यात अडकवून मताचा जोगवा मागत गावोगावी फिरत होता. २०१९ लाही भाषण करत होता सत्तेत आल्यावर तुम्ही पहिला खंजीर हातात घेतला. तुमच्यात इमानदारपणा आहे का शोधा आणि कुत्र्याएवढा जरी इमानदारपणा असता तर महाराष्ट्राने तुमचं कौतुक केलं असतं. तरीही मला त्याच्यावर जास्त काही बोलायचं नाही. कारण डुकराला कितीही साबण- शॅम्पू लावला तरी डुक्कर गटारातच जातं.', अशी टीका सदाभाऊ खोत यांनी संजय राऊतांवर केली आहे.