Maharashtra Monsoon Session: राज्यात पोलिस ठाण्याची संख्या वाढवली जाणार... गृहमंत्री देवेंद्र फडणवीस यांची विधानसभेत माहिती; अशी असेल रचना

Devendra Fadanvis News: राज्यात गंभीर गुन्ह्यांच्या तसेच महिला अत्याचाराच्या घटना वारंवार समोर येत आहेत. या घटनांमुळे राज्यात महिला सुरक्षित नसल्याचा आरोप विरोधकांकडून केला जात आहे. सध्या सुरू असलेल्या पावसाळी अधिवेशनातही हा मुद्दा चर्चेत आला. ज्यावर बोलताना गृहमंत्री देवेंद्र फडणवीस यांनी राज्यात पोलिस स्टेशन वाढवण्याची घोषणा केली आहे.

काय म्हणाले देवेंद्र फडणवीस?

"मुंबई शहर इतर मोठ्या शहरांच्या तुलनेत महिलांना सुरक्षित वाटते. हे सेफ्टी परसेप्शन महत्त्वाचं आहे. राज्य गुन्ह्यात तिसरं आहे असं सांगितले जाते. परंतु हे लक्षात घ्यावे की देशात महाराष्ट्र लोकसंखेनुसार दुसऱ्या क्रमांकावर आहोत. यंदा जर गुन्ह्याची परिस्थिती पाहिली तर मागचा वर्षीच्या तुलनेत 5 हजार गुन्ह्यांची घट आहे.. " अशी माहिती देवेंद्र फडणवीस यांनी यावेळी दिली.

राज्यात पोलिस स्टेशन वाढवणार..

तसेच "राज्यात व शहरात नव्या आकृतीबंदाप्रमाणे पोलिस ठाण्याची संख्या वाढवली जाणार असल्याची घोषणाही त्यांनी यावेळी केली. याआधी १९६० च्या आधारवर आपली पोलिस रचना होती. आता नवी आकृतीबंदानुसार २०२३ नुसार नवीन आकृतीबंदात पोलिस काम करणार असल्याचे" त्यांनी सांगितले.

अशी असेल रचना..

"नव्या आकृती बंदाप्रमाणे राज्यात पोलिस ठाण्यांची संख्या वाढवली जाणार असून शहरातील दोन पोलिस ठाण्यातील अंतर ४ किलोमीटर असेल तर ग्रामीण भागात हेच अंतर १० किलोमीटर असेल.."असे गृहमंत्री देवेंद्र फडणवीस यांनी स्पष्ट केले. (Latest Marathi News)