कल्याण-कल्याण पश्चिम मतदार संघातून शिवसेना शिंदे गटाचे उमेदवार विश्वनाथ भोईर यांच्या विरोधात शिंदे गटाचे जिल्हाप्रमुख अरविंद मोरे यांनी अपक्ष उमेदवारी अर्ज दाखल करुन बंडखाेरी केली होती. त्यांनी आज निवडणूकीतून माघार घेत असल्याचे जाहिर केले आहे.
भोईर यांच्या निवासस्थानी पार पडलेल्या पत्रकार परिषदेत त्यांनी ही माहिती दिली. मोरे यांनी सांगितले की, माझी पक्षांतर्गत नाराजी होती. मुख्यमंत्री एकनाथ शिंदे आणि खासदार श्रीकांत शिंदे यांनी काल मुंबईत चर्चेकरीता बोलाविले होते. त्यांच्याशी चर्चा केल्यावर माझी नाराजी दूर झाली आहे. जिल्हा प्रमुख पदाला योग्य न्याय दिला जात नाही असे माझे म्हणणे होते.
शिर्डीच्या साईबाबा मंदिरातही दिवाळी सणाचा मोठा उत्साह दिसून येतोय. साई समाधी मंदिर, गुरुस्थान, द्वारकामाई, चावडी इत्यादी मंदिरांना फुलांची आकर्षक सजावट करण्यात आली आहे. यासह साईबाबा समाधी मंदिर आकर्षक अशा विद्युत रोषणाई नटले आहे. साई दरबारी दिवाळी साजरी करण्यासाठी हजारो साईभक्त शिर्डीत दाखल झाले आहेत.
गेल्या अनेक दिवसापासून एफ दक्षिण विभागात अपुरा पाणीपुरवठा होत आहे यासंदर्भात आचार संहितेच्या अगोदर ठाकरे गटाच्या वतीने हंडा मोर्चा काढण्यात आला होता. आश्वासन देऊन देखील पाणीपुरवठा सुरळीत होत नसल्याने ठाकरे गटाचे माजी नगरसेवक आणि नागरिकांनी आज पालिकेच्या जल अभियंत्याची भेट घेतली. ठाकरे गटाकडून एफ/दक्षिण विभागाचे शिवडी विधानसभेतील सर्व नगरसेवकांसमवेत जल अभियंता कार्यालय वरळी येथे एफ/दक्षिण विभागात होत असलेल्या अपुऱ्या पाणीपुरवठ्याबाबत बैठक झाली.
बऱ्याच मतदारसंघात प्रश्न निर्माण झालेत स्थानिक प्रश्न आहेत मात्र आमची महाविकास आघाडी घट्ट आहे. कुठेही अडचणी नाहीत किरकोळ वाद असतात ते संपतील आणि चार तारखेला महाराष्ट्रात महाविकास आघाडी मजबुतीने 288 जागेवरती ताकतीने निवडणूक लढेल. महाराष्ट्रात महाविकास आघाडीचे सरकार येईल असा विश्वास शरदचंद्र पवार पक्षाचे इंदापूरचे उमेदवार माजी मंत्री हर्षवर्धन पाटील यांनी व्यक्त केलाय.
उल्हासनगरमध्ये निवडणूक निर्णय अधिकाऱ्यांच्या पथकाकडून ठिकठिकाणी वाहनांची तपासणी केली जातेय. यात गुरुवारी पहाटेच्या सुमारास कल्याणहून मुरबाडकडे जाणारी एक संशयास्पद कार भरारी पथकाला आढळली. ही गाडी थांबवून तपासणी केली असता त्यात १७ लाखांची रोख रक्कम आढळून आली. याबाबत गाडीच्या चालकाला विचारणा केली असता तो कोणतेही ठोस पुरावे देऊ शकला नाही. त्यामुळे ही १७ लाखांची रोकड जप्त करण्यात आली. याबाबत आयकर विभागाला कळवलं असुन त्यांच्याकडून चौकशी सुरू असल्याची माहिती अधिकाऱ्यांनी दिली आहे.
राष्ट्रवादीचे नेते तथा परळी विधानसभा मतदारसंघाचे उमेदवार, धनंजय मुंडे यांनी पहिल्यांदाच विधानसभा निवडणुकीच्या शपथपत्रात शिवानी मुंडे आणि सीशिव मुंडे या २ अपत्यांचा उल्लेख निवडणूक उमेदवारी अर्ज भरताना दिलेल्या शपथपत्रात केला आहे..
प्रकाश आंबेडकर यांच्या हृदयात एक छोटं ब्लॉकेज आढळून आले आहे. आंबेडकर यांची प्रकृती सध्या स्थिर असून त्यांच्यावर डॉक्टर त्यांची देखभाल करत आहेत. आंबेडकर यांच्यावर पार पडलेल्या अँजिओग्राफीचे रिपोर्ट उद्या सकाळी दहा वाजता येणार आहेत.
भोसरी विधानसभा मतदारसंघात शरद पवार यांचा भाजपला आणखी एक धक्का मिळालाय. भाजपच्या नगरसेविका भीमाताई फुगे यांचा शरद पवार यांच्या राष्ट्रवादी काँग्रेसमध्ये प्रवेश झालाय. आज शरद पवार यांच्या निवासस्थानी भीमाताई फुगे आणि त्यांच्या कार्यकर्त्यांनी केला राष्ट्रवादी काँग्रेसमध्ये प्रवेश. पिंपरी चिंचवडमधील राष्ट्रवादी काँग्रेस अजित पवार गटातील अनेक नगरसेवकांनी या आधी शरद पवार यांच्या राष्ट्रवादी काँग्रेसमध्ये प्रवेश केला आहे. त्यानंतर आता भोसरीमध्ये भाजपाला धक्का बसला.
विधानसभा निवडणुकीसाठी जिल्ह्यातील सर्व २१ मतदारसंघांत ६४८ अर्ज वैध, तर १०९ अर्ज अवैध ठरले आहेत. अर्ज भरण्याच्या शेवटच्या दिवशी ७५७ अर्ज जिल्हा निवडणूक शाखेकडे दाखल झाले.आता याबाबतचे अंतिम चित्र येत्या ४ नोव्हेंबर रोजी अर्ज माघारी घेण्याच्या दिवशी स्पष्ट होणार आहे.
जिल्ह्यातील २१ मतदार संघातील १ हजार २७२ उमेदवारांनी २ हजार ५०६ अर्ज खरेदी केले होते. त्यापैकी प्रत्यक्षात दाखल केलेल्या अर्जाची संख्या खूपच कमी आहे,अशी माहिती अधिकाऱ्यांनी दिली आहे.
मतदारसंघ वैध अर्ज अवैध अर्ज
जुन्नर १७ ०
आंबेगाव २६ ५
खेड आळंदी. २९ ५
शिरूर ३६ ६
दौंड २० २
इंदापूर ४६ ६
बारामती ४२ ४
पुरंदर ३३ ७
भोर. २० ११
मावळ १७ ९
चिंचवड १९ ५
पिंपरी ४१ ४
भोसरी २५ ८
वडगाव शेरी. ३२ २
शिवाजीनगर २६ ४
कोथरूड ३२ ४
खडकवासला ३१ ८
पर्वती ३२ ५
हडपसर ४६ ५
पुणे कॅन्टोन्मेंट. ३६ २
कसबा पेठ २२ ७
एकूण ६४८ १०९
चिंचवड विधानसभेमधून गेल्या काही दिवसापासून अजित पवार गटात सुरू असलेल्या बंडखोरीला शमविण्या साठी आज उपमुख्यमंत्री अजित पवार हे बंडखोर उमेदवार नाना काटे यांच्या निवासस्थानी पोहचले आहेत. या वेळी अजित पवार यांनी नाना काटे यांनी आपला विधानसभा विधानसभा उमेदवारी अर्ज मागे घेऊन महायुतीचे काम करण्याचे सांगितल आहे. मात्र अजित पवारांच्या भेटीनंतरही नाना काटे हे आपल्या निर्णयावर ठाम आहेत.
विधानसभा निवडणुकीच्या पार्श्वभूमीवर मुख्यमंत्री एकनाथ शिंदे यांच्या सभा होणार आहेत. महायुतीचा धर्म पाळत राज्यातील अनेक ठिकाणी एकनाथ शिंदे यांच्या सभा होणार आहेत. भाजप, राष्ट्रवादी काँग्रेसचे उमेदवार जिथे आहेत तिथे सुद्धा शिंदे यांच्या सभा होणार आहेत.
गुजरातच्या कच्छमधील सर क्रीक भागातील लक्की नाला येथे BSF, लष्कर, नौदल आणि हवाई दलाच्या जवानांसोबत पंतप्रधान यांनी दिवाळी साजरी केली. दरवर्षी पंतप्रधान नरेंद्र मोदी वेगवेगळ्या ठिकाणी जवानांनासोबत दिवाळी साजरी करतात.
महायुतीत राज्यात दोन ठिकाणी महायुतीचे उमेदवार आमनेसामने
मोर्शी मध्ये महायुतीत मैत्रीपूर्ण लढत होणार
सुत्रांची माहिती
मानखुर्द शिवाजी नगर मध्ये महायुतीत शत्रूपूर्ण लढत
मुख्यमंत्री व उपमुख्यमंत्री यांच्या बैठकीनंतर महत्त्वाचा निर्णय
मानखुर्द शिवाजी नगर येथे भाजप नवाब मलिकांचे काम करणार नाही
मानखुर्द मध्ये भाजपची साथ शिवसेनेला असेल
राष्ट्रवादी काँग्रेस कडून ऐनवेळी नवाब मलिकांना एबी फॉर्म दिल्याने पेच
इतर ठिकाणी बंडखोरांची समजूत काढली जाणार
राष्ट्रीय समाज पक्षाच्या वतीने छाणनी नंतर महाराष्ट्रामध्ये अधिकृत वैद्य ११९ विधानसभा मतदारसंघांमध्ये उमेदवार रिंगणात
तसेच नांदेड लोकसभा पोटनिवडणुकीत सुद्धा अधिकृत उमेदवार रिंगणात.
तब्बल १०० पेक्षा अधिक घरफोडी करणाऱ्या चोरट्याला पुणे पोलिसांनी केली अटक
पुणे पोलिसांच्या गुन्हे शाखा युनिट सहाची कामगिरी
पापासिंग दयालसिंग दुधानी असे अटक केलेल्या आरोपीचे नाव आहे
पुण्यासह सांगली जिल्ह्यात अनेक ठिकाणी केली घरफोडी
पोलिसांनी दिलेल्या माहितीनुसार, पापासिंग बी.टी कवडे रोड, वानवडी परिसरात थांबला असल्याची माहिती गुन्हे शाखेच्या युनिट सहाला मिळाली होती. पोलिसांनी परिसरात सापळा रचून त्याला ताब्यात घेण्यात आले. त्याच्याकडे अधिक चौकशी केली असता हडपसर पोलीस ठाण्यात दाखल गुन्ह्यात त्याचा सहभाग असल्याचे स्पष्ट झाले. त्याच्यावर यापूर्वी मोका कायद्यान्वये कारवाई करण्यात आलेली आहे. त्यामधून तो सध्या जामिनावर बाहेर होता. त्याचे पूर्वीचे रेकॉर्ड तपासले असता त्याच्यावर १०० पेक्षा जास्त घरफोडी व इतर गुन्हे दाखल आहेतपोलिसांकडून त्याच्या इतर साथीदारांचा सुद्धा शोध सुरू आहे.
प्रकाश आंबेडकर यांच्यावर खाजगी रुग्णालयात उपचार सुरू
पुढील काही वेळात आंबेडकर यांची अँजिओग्राफी करण्यात येणार
पुढील दोन ते तीन तासांनी हॉस्पिटल प्रशासनाकडून जाहीर होणार मेडिकल बुलेटीन
कुणीही प्रश्न विचारून व्यत्यय आणू नये, गोपनीयतेच्या विनंतीचा आदर करावा, आंबेडकर कुटुंबीयांचे आवाहन.
अंतरवाली सराटीत बैठकीसाठी मुस्लिम आणि बौद्ध धर्मगुरु दाखल
थोड्याचवेळात बैठकीला होणार सुरुवात
वक्फ बोर्डाचे प्रवक्ते सज्जाद नोमानी अंतरवाली सराटित दाखल
मनोज जरांगे यांनी केलं सज्जाद नोमानी यांचं स्वागत
राजरत्न आंबेडकर सुद्धा अंतरवाली सराटीत बैठकीसाठी दाखल
मोहोळ विधानसभा मतदार संघाचे राष्ट्रवादी शरद पवार गटाचे उमेदवार मनोज जरांगेच्या भेटीला
राष्ट्रवादी शरद पवार गटाचे उमेदवार राजू खरे यांनी अंतरवाली सराटी येथे जाऊन घेतली जरांगे यांची भेट
नुकतेच अजित पवार गटाचे उमेदवार यशवंत माने यांनी देखील जरांगे पाटील यांची घेतली होती भेट
त्यानंतर आता शरद पवार गटाचे उमेदवार ही जरांगे यांच्या भेटीला
सोलापूर शहर मध्यच्या जागेवरून महाविकास आघाडीत वादाची ठिणगी
माजी आमदार आणि जेष्ठ माकप नेते नरसय्या आडम काँग्रेस विरोधात आक्रमक पवित्र्यात
महाविकास आघाडीच्या जागा वाटपात सोलापूर शहर मध्यची जागा काँग्रेसला सुटल्याने नरसय्या आडम आहेत नाराज
माकपच शिष्टमंडळ हे 4 तारखेला घेणार काँग्रेस नेत्या सोनिया गांधी यांची भेट
पुण्यात चोरट्यांची दिवाळी
पुण्यातील FC रोड, JM रोडवरील कपडे, आईस्क्रीम आणि शूजची दुकाने चोरट्यांनी फोडली
पुण्यातील या प्रमुख रस्त्यांवरील एकूण ५ दुकानात चोरी
चोरट्यांनी लंपास केली १.२५ लाख रुपयांची रक्कम
डेक्कन पोलिसांसह गुन्हे शाखेचे पथकं घटनास्थळी उपस्थितीत
फोडलेल्या ५ दुकानातून एकूण १.२५ लाख रुपये लंपास
२ अट्टल चोरट्यांकडून ही चोरी केल्याचा पोलिसांना संशय
मराठा मुस्लिम दलितांचं समीकरण जुळवण्यासाठी आजची बैठक आहे..
आजचा दिवस आमच्या साठी महत्वचा आहे..
आजच्या बैठकीत समीकरण जुळले तर गोर गरीब सत्तेत बसतील...
गोर गरिबांना न्याय मिळण्यासाठी सगळ्यांनी एकत्र यायला पाहिजे..
गोरगरीब समाजाचे लेकरं मोठे होण्यासाठी सगळ्यांनी एकत्र यावं...
योग्य वेळ आल्यावर सगळ्यांनी एकत्र आलं पाहिजे..
नागपूर पोलिसांनी जप्त केले नदी किनारी फेकलेले 800 आधार कार्ड
- नागपूर जिल्ह्यातील हिंगणा तालुक्यातील वानाडोंगरी परिसरातील काठावर वेणा नदीत परिसरातील घटना
- स्थानिक लोकांच्या लक्षात आल्यावर पोलिसांना घटनेची माहिती देण्यात आली
- पोलिसांनी स्पॉट पंचनामा करत फेकलेले आधार कार्ड आणि इतर कागदपत्रे जप्त केले
मुंबई महानगरपालिकेतील काँग्रेसचे विरोधी पक्ष नेते भाजपच्या गळाला
काँग्रेस नेते रवि राजा भाजपमध्ये करणार प्रवेश
उपमुख्यमंत्री देवेंद्र फडणवीस व आशिष शेलार यांच्या उपस्थितीत प्रवेश
पुण्यातील पर्वती विधानसभा मतदारसंघात एकाच नावाचे तीन उमेदवार
पर्वती विधानसभा मतदारसंघात महाविकास आघाडीची डोकेदुखी वाढली
अश्विनी कदम या नावाचे तीन उमेदवारी अर्ज
तिन्ही अर्ज निवडणूक निर्णय अधिकाऱ्यांकडून वैध
महाविकास आघाडीकडून अश्विनी नितीन कदम यांना उमेदवारी देण्यात आली आहे
अश्विनी नितीन कदम नावाचे दोन उमेदवार तर अश्विनी अनिल कदम नावाचा एक उमेदवारी अर्ज
पुणे मेट्रो उद्या सायंकाळी ६ पर्यंतच
लक्ष्मी पूजनाच्या निमित्ताने उद्या पुणे मेट्रो सायंकाळी ६ पर्यंतच धावणार
संध्याकाळी ६ पर्यंत सुरू असलेली पुणे मेट्रो त्यांच्या निर्धारित वेळेत म्हणजेच सकाळी ६ पासूनच सुरु होणार
महामेट्रो च्या कर्मचाऱ्यांसाठी दिवाळी निमित्त हा निर्णय घेण्यात आला असल्याची माहिती मेट्रो प्रशासनाकडून देण्यात आली आहे
महायुतीत बंडखोरी अजिबात चालणार नाही
अजित पवारांच्या नाराज बंडखोर उमेदवारांना सूचना
अजित पवार दोन दिवसात पक्षातील बंड करणार थंड
प्रत्येक मतदारसंघातील नाराज उमेदवार अपक्ष उमेदवारी अर्ज भरलेल्या उमेदवाराशी अजित पवार स्वतः चर्चा करण्याची शक्यता
आजपासून नाराजांना फोनवर आणि प्रत्यक्ष भेटायला सुरुवात होण्याची शक्यता
फुटीनंतर पुण्यात दोन्ही शिवसेनेच्या अस्तित्वाची लढाई
पुणे जिल्ह्यात २१ मतदारसंघापैकी उद्धव ठाकरेंच्या शिवसेनेला २ तर एकनाथ शिंदेंच्या सेनेला १ जागा
उद्धव ठाकरेंच्या सेनेकडून कोथरूड विधानसभा मधून चंद्रकांत मोकाटे आणि खेड आळंदी मधून बाबाजी काळे तर शिंदे सेनेकडून पुरंदर मधून विजय शिवतारे यांना उमेदवारी
पुणे शहर आणि जिल्ह्यात उद्धव ठाकरेंच्या सेनेचा आणि युती मध्ये असलेल्या एकनाथ शिंदेंच्या सेनेला जागा देण्यासाठी विचार झाला नाही का?
काही वर्षांपूर्वी एकत्रित असलेल्या सेनेचे शहरात २, जिल्ह्यात २ असे ४ आमदार, एक खासदार, राज्यात मंत्री पद असे वैभव होते
दोन्ही सेनेच्या पदाधिकाऱ्यांमध्ये दबक्या आवाजात नाराजीचा सूर
- भाजप उमेदवार समीर मेघे विदर्भातील सर्वात श्रीमंत उमेदवार
- निवडणुक प्रतिज्ञापत्रानुसार समीर मेघे यांच्याकडे एकूण 261 कोटी रुपयांची संपत्ती
- समीर मेघे हिंगणा विधानसभा मतदारसंघातून भाजपचे उमेदवार
- तर दुसऱ्या क्रमांकावर काँग्रेस मधून निलंबित आणि पश्चिम नागपुरातून अपक्ष उमेदवारी दाखल केलेले नरेंद्र जिचकार यांच्याकडे 157.23 कोटी रुपयांची संपत्ती
भाजप 110 ते 115 जागा जिंकणार
भाजप नेते मोहित कंबोज यांचा दावा
23 नोव्हेबर रोजी भाजप कार्यालयात पुन्हा दिवाळी साजरी होणार
निवडणुकी आधीच मोहित कंबोज यांचे भाकीत
ट्विट करत मोहित कंबोज यांचा 152 जागांपैकी भाजप 110 ते 115 जागा जिंकणार असल्याचा दावा
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.