उल्हासनगर रेल्वे स्टेशन परिसरात गोळीबार
कॅम्प क्रमांक चार परिसरात गोळीबार
एका व्यक्तीच्या डोक्यात घातल्या दोन गोळ्या
सदर व्यक्तीचा जागीच झाला मृत्यू
मयत व्यक्तीचे नाव हरीश गजवानी
विठ्ठलवाडी पोलीस स्टेशनचे कर्मचारी आणि एसीपी शंकर अवताडे घटनास्थळी
राज्यातील साखर कारखाने सुरू करण्याच्या मुद्द्यावरून स्वाभिमानी शेतकरी संघटनेचे नेते राजू शेट्टी यांनी भाजपच्या खासदार आणि आमदारांसह महाविकास आघाडीच्या एका नेत्यावरही टीका केली आहे. भाजपचे खासदार आणि आमदार यांनी केंद्र सरकारच्या दबावाखाली साखर कारखाने सुरू केल्याचा आरोप शेट्टी यांनी केला आहे. तर सांगली जिल्ह्यातील सोनहिरा साखर कारखाना सुरू केल्याच्या मुद्द्यावरून महाविकास आघाडीच्या एका नेत्यालाही त्यांनी लक्ष्य केलं आहे. वेळप्रसंगी या नेत्यालाही हिसका दाखवू, असा इशाराही शेट्टी यांनी दिला आहे.
विद्यापीठाच्या शैक्षणिक वातावरणात निर्माण होणार अडथळा, विद्यापीठाचे मालमत्तेचे होणारे नुकसान लक्षात घेता मांडला प्रस्ताव
कॉक्रोच जनता पार्टीव्दारे विद्यापीठात केलेल्या आंदोलनाचा सुद्धा प्रस्तावात उल्लेख
व्यवस्थेवर येणारा अकारण ताण व आवारात रहाणाऱ्या आणि शिकणाऱ्या विद्यार्थी शिक्षक यांना सर्व शैक्षणिक प्रक्रियेत निर्माण होणारी बाधा विचारात घेऊन अशा प्रकारच्या आंदोलनांना विद्यापीठ आवारात परवानगी देण्यात येऊ नये असा प्रस्ताव आहे.
ठाणे
मोठी बातमी
- प्रदिप पुर्णेकर हत्या प्रकरण
- राजेंद्र शिंदे यांची आजही झाली चौकशी
- ८ तास झाली चौकशी
- सकाळी १२ वाजल्या पासून राजेंद्र शिंदे यांची सुरु होती चौकशी
- आरोपींना समोर बसून केली चौकशी
- राजेंद्र शिंदे यांना पोलिस सुरक्षा देण्यात आलीये
- राजेंद्र शिंदे यांच्यावर हत्येचा आरोप तरी देखील त्यांना पोलिस सुरक्षा
- चौकशी वरुन परत जाताना पोलिस हवालदार होता सोबत
राजेंद्र शिंदे काय म्हणाले?
- चौकशी सुरु आहे
- तपास सुरु आहे
- जेव्हा जेव्हा पोलिस बोलवतील तेव्हा तेव्हा येणार
- काल ९ तास झाली होती चौकशी गाडी
विद्यापीठाच्या शैक्षणिक वातावरणात निर्माण होणार अडथळा, विद्यापीठाचे मालमत्तेचे होणारे नुकसान लक्षात घेता मांडला प्रस्ताव
कॉक्रोच जनता पार्टीव्दारे विद्यापीठात केलेल्या आंदोलनाचा सुद्धा प्रस्तावात उल्लेख
व्यवस्थेवर येणारा अकारण ताण व आवारात रहाणाऱ्या आणि शिकणाऱ्या विद्यार्थी शिक्षक यांना सर्व शैक्षणिक प्रक्रियेत निर्माण होणारी बाधा विचारात घेऊन अशा प्रकारच्या आंदोलनांना विद्यापीठ आवारात परवानगी देण्यात येऊ नये असा प्रस्ताव
नालासोपारा पोलीस ठाण्यात हिंदू धर्मियांच्या भावना दाखवल्याने आरोपी विरोधात नालासोपारा पोलिस ठाण्यात तक्रार दखल करण्यात आली होती
कलम 299, भारतीय न्याय सहित 67 अ आयटी ऍक्ट अंतर्गत गुन्हा दाखल करण्यात आला होता
या संर्भात पुढील तपासात त्याच्या मोबाईल मध्ये काही अश्लील व्हिडिओ आढळून आले त्यानंतर त्याला अटक करण्यात आले.
12 तारखेला आरोपी आरिफ शेख यांच्याविरोधात 1 तक्रार दाखल करण्यात आली त्याच्यामध्ये त्याने पीडित तरुणीला लग्नाचे आमिष दाखवून शरीर संबंध केले होते,
13 तारखेला आरोपी आरिफ शेख यांच्या विरोधात तीन गुन्हे दाखल करण्यात आले, सध्या आरोपी आरिफ शेख अटक असून चौकशी सुरू आहे.
ज्या पिढीत मुली आहेत त्या डेटिंग अँप वरून त्या आरोपी आरिफ शेख याच्या संपर्कात आल्या त्यानंतर त्याने वेगवेगळ्या ठिकाणी त्यांच्याजवळ शहरी संबंध ठेवले
आरोपी आरिफ शेख त्याच्या विरोधात सात ते आठ पिढीत तरुणी गुन्हा दाखल करणार आहेत.
- नागपुरातील ज्येष्ठ पत्रकार आणि साहित्यिक मिलिंद कीर्ती,वय ६० वर्षे, यांचं अपघाती निधन
- मंगळवारी रात्री नागपूर-अमरावती महामार्गावरील उड्डाणपुलावर झालेल्या अपघातात मिलिंद कीर्ती गंभीर जखमी झाले होते
- मेंदूला गंभीर इजा झाल्याने उपचारादरम्यान खासगी रुग्णालयात मिलिंद कीर्ती यांचं निधन झालं
पिकांच्या नुकसानीचे पंचनामे तातडीने पूर्ण करण्याचे जिल्हाधिकाऱ्यांना आदेश
पिकांच्या नुकसानीची आर्थिक मदत स्वतंत्र शासन निर्णयाद्वारे जाहीर होणार.
दुष्काळग्रस्त भागांत जमीन महसुलात सूट, पीक कर्जाचे पुनर्गठन, वीजबिलात सवलत आणि विद्यार्थ्यांच्या परीक्षा शुल्कात माफीसह १२ उपाययोजना व सवलती लागू होणार.
पावसाअभावी पिके सुकत चालली आहेत. शेतातून अपेक्षित उत्पन्न मिळण्याची आशा मावळत असल्याने शेतकरी संकटात सापडला आहे.
याच कठीण परिस्थितीत पुढील निर्वाह कसा करायचा, या विवंचनेत पोंभुर्णा तालुक्यातील वेळवा (माल) येथील एका शेतकऱ्याने किटकनाशक प्राशन करून आत्महत्या केली.
महेंद्र दिवाकर राऊत (वय ३५) असे मृत शेतकऱ्याचे नाव आहे.
प्रदीप पुर्णेकर हत्या प्रकरणी राजेंद्र शिंदे यांची सलग दुसऱ्या दिवशी सहा तासांहून अधिक वेळ चौकशी सुरूच आहे.
राजेंद्र शिंदे यांची पहिल्या दिवशी नऊ तास चौकशी करण्यात आली होती... आज दुसऱ्या दिवशी आता सहतासांपेक्षही अधिक वेळ चौकशी सुरूच आहे..
आतापर्यंत या घटनेत पाच मधील तीन आरोपींना न्यायालयीन कोठडी सुनावण्यात आली आहे..
राजेंद्र शिंदे हे त्यांच्या जबाब मध्ये आज काय प्रमुख माहिती देतील यावर लक्ष..पुढची भूमिका ठरणार आहे.
पद मागितलं तर रिपोर्ट कार्ड काढेल, मुख्यमंत्री देवेंद्र फडणवीस यांचा नगरसेवकांना इशारा
मुख्यमंत्री देवेंद्र फडणवीस आणि पुण्यातील भाजप नगरसेवकांच्या बैठकीतील "इन्साईड स्टोरी"
उद्या माझ्याकडे पद मागायला आलात, तर सर्वात आधी तुमचं रिपोर्ट कार्ड काढेल आणि विचार केला जाईल, मुख्यमंत्री यांचा नगरसेवकांना थेट इशारा
बैठकीत मुख्यमंत्री यांनी मागितला नगरसेवकांना कामाचा हिशोब
लातूर शहरातील पाण्याचा प्रश्न पुन्हा एकदा ऐरणीवर आला आहे.
वारंवार तक्रारी करूनही पाणी मिळत नसल्याने एका तरुणाचा संताप अनावर झाला.
पाण्यासाठी वारंवार चकरा मारूनही पाणी मिळत नसल्याने या तरुणाने महानगरपालिकेतील उपआयुक्तांच्या कार्यालयात गोंधळ घातला आहे
यवतमाळच्या झरी-जामणी येथील महावितरणच्या उपविभागीय कार्यालयात कृषी पंपांच्या वीजपुरवठ्याच्या प्रश्नावरून ठाकरे सेनेचे युवा सेनेचे जिल्हाप्रमुख यांनी उपकार्यकारी अभियंता यांच्यावर चक्क खुर्ची फेकल्याचा प्रकार घडला
ठाकरे गटाचे युवासेना जिल्हाप्रमुख समीर लेनगुरे यांच्याविरुद्ध शासकीय कामात अडथळा आणणे, कार्यालयीन साहित्याचे नुकसान करणे आणि धमकी दिल्याच्या आरोपांवरून गुन्हा दाखल करण्यात आला.
MPSC विद्यार्थ्यांच्या आंदोलनादरम्यान कथित चिथावणीखोर वक्तव्य केल्याप्रकरणी निवृत्त न्यायमूर्ती बी. जी. कोळसे पाटील यांच्याविरोधात गुन्हा दाखल करण्यात आला आहे. अक्कलकोट उत्तर पोलीस ठाण्यात ही कारवाई करण्यात आली असून, सोलापूर ग्रामीण पोलीस या प्रकरणाचा पुढील तपास करत आहेत.
आंदोलनादरम्यान भारतीय न्यायव्यवस्था आणि सार्वभौम संस्थांविरोधात गंभीर विधाने केल्याचा आरोप त्यांच्यावर आहे. ‘न्यायव्यवस्था आपली नाही, पार्लमेंट आपलं नाही. या संस्था उलथवून लावण्यासाठी सर्व जण रस्त्यावर या,’ असे वक्तव्य त्यांनी केल्याचा आरोप आहे. तसेच, कुठल्याही परिस्थितीत आंदोलन वाढवण्याचे आवाहन केल्याचाही आरोप आहे. या वक्तव्यांच्या अनुषंगाने पोलिसांनी गुन्हा दाखल केला असून, पुढील तपास सुरू आहे.
NSUI च्या कार्यकर्त्यांनी संसद मार्ग पोलीस ठाण्यासमोर रस्त्यावर झोपून आंदोलन सुरू केले आहे. यावेळी कार्यकर्ते आक्रमक होत सरकारविरोधात जोरदार घोषणाबाजी करत आहेत. मारहाण झालेल्या मुलींच्या प्रकरणी संसद मार्ग पोलीस ठाण्यात एफआयआर नोंदवण्याची प्रक्रिया सुरू असल्याची माहिती समोर आली आहे.
केंद्रीय मंत्रिमंडळाच्या बैठकीत अनेक महत्त्वाचे निर्णय घेण्यात आल्याची माहिती समोर आली आहे. रेल्वे कर्मचाऱ्यांना ७८ दिवसांचा बोनस देण्यास मंजुरी देण्यात आली असून, याचा देशातील सुमारे ११ लाख ४० हजार कर्मचाऱ्यांना लाभ मिळणार आहे. या बोनससाठी २,००९ कोटी रुपयांच्या निधीला मंजुरी देण्यात आल्याचे सांगण्यात आले आहे. तसेच, रेल्वेमध्ये १ लाख ६५ हजार पदांवर भरती करण्याबाबतही माहिती देण्यात आली आहे.
याशिवाय, सुमारे ३.२० लाख दिव्यांग व्यक्तींना पेन्शनचा लाभ मिळणार असल्याचा दावा करण्यात आला आहे. ४० टक्के दिव्यांगत्व असलेल्या व्यक्तींनाही जन्मापासून पेन्शन मिळण्याबाबत निर्णय झाल्याची माहिती दिली जात आहे. तसेच, IDBI बँकेच्या पुनर्रचनेबाबतही निर्णय घेण्यात आल्याचे सांगण्यात आले आहे.
पुणे शहरातील धरणांमध्ये मुबलक पाणीसाठा उपलब्ध असतानाही पुणे महापालिकेने जाहीर केलेल्या पाणी कपातीच्या निर्णयाविरोधात महाराष्ट्र नवनिर्माण सेनेकडून आंदोलन करण्यात येत आहे. महापालिकेच्या या निर्णयाचा निषेध करण्यासाठी मनसेच्या वतीने पुणे महापालिकेच्या मुख्य प्रवेशद्वारासमोर मटका फोड आंदोलन करण्यात येत आहे. पाणीसाठा मुबलक असताना पाणी कपात का, असा सवाल उपस्थित करत मनसेने या निर्णयाला विरोध दर्शवला आहे.
जिल्ह्यातील ११ तालुक्यांत दुष्काळ जाहीर झाला असताना शेतकऱ्यांना अद्याप मदत मिळालेली नाही. अशातच दिंद्रुड प्राथमिक आरोग्य केंद्रात धक्कादायक प्रकार समोर आला आहे. एका ११ वर्षीय बेशुद्ध मुलीला पुढील उपचारासाठी रेफर करण्याची गरज असताना रुग्णवाहिकेत डिझेल नसल्याचे सांगत डिझेलचे पैसे मागितल्याचा आरोप आहे.
पैसे दिल्याशिवाय रेफर करणार नसल्याची भूमिका घेतल्याने हतबल वडिलांनी मुलीला खांद्यावर घेऊन जाण्याचा प्रयत्न केला. या घटनेचा व्हिडिओ सोशल मीडियावर व्हायरल होत असून नागरिकांमधून संताप व्यक्त केला जात आहे.
डिझेल किंवा पेट्रोलवर चालणाऱ्या गाड्यांऐवजी इलेक्ट्रिक वाहने घेतल्यास तीन वर्षांत त्यावरील अतिरिक्त खर्चाची परतफेड होण्यास सुरुवात होते, असा दावा त्यांनी केला. या ट्रक्सची कार्यपद्धती कारप्रमाणे असून, ते अपघातमुक्त पद्धतीने काम करतात, असेही त्यांनी नमूद केले.
भारतातील एकूण कार किंवा पेट्रोलच्या वापरापैकी ५० टक्के वापर इलेक्ट्रिक वाहनांकडे (EV) वळवला, तर रुपयाचे मूल्य २० रुपयांनी घसरेल, असे वक्तव्यही फडणवीस यांनी केले. मात्र, या शेवटच्या विधानाचा नेमका संदर्भ स्पष्ट होणे आवश्यक आहे.
निवडणूक प्रक्रियेतील कथित अनियमितता, एसआयआर (SIR) आणि व्होट चोरीच्या मुद्द्यावरून देशभरात संताप व्यक्त होत असताना, धुळ्यातही मुख्य निवडणूक आयुक्त ज्ञानेश कुमार यांच्या विरोधात आंदोलन करण्यात आले. लोकशाही व संविधान बचाव समितीच्या वतीने यापूर्वी जिल्हाधिकारी कार्यालयावर मोर्चा काढून निषेध व्यक्त करण्यात आला होता. त्यानंतर आज धुळे शहरातील आग्रा रोडवरील महात्मा गांधी यांच्या पुतळ्याला पुष्पहार अर्पण करून आग्रा रोड ते कराचीवाला खुंटपर्यंत पायी रॅली काढण्यात आली. यानंतर कराचीवाला खुंट येथे आंदोलकांनी जवळपास अर्धा तास रास्ता रोको केला.
पुणे विभागातील शिक्षक आणि पदवीधर मतदारसंघाच्या निवडणुकीच्या पार्श्वभूमीवर भाजपकडून आज पुण्यात बैठकीचे आयोजन करण्यात आले आहे. या बैठकीला मुख्यमंत्री देवेंद्र फडणवीस यांच्यासह भाजपचे मंत्री उपस्थित राहणार आहेत. शिक्षक मतदारसंघासाठी कौस्तुभ गावडे, तर पदवीधर मतदारसंघासाठी डॉ. स्मिता जाधव यांना भाजपकडून उमेदवारी देण्यात आली आहे.
आगामी निवडणुकीच्या पार्श्वभूमीवर या बैठकीत निवडणुकीच्या तयारीचा आढावा घेण्यात येणार असून, पक्षाच्या पदाधिकाऱ्यांवर विविध जबाबदाऱ्या सोपविण्यात येणार आहेत. निवडणुकीत पक्षाची रणनीती, प्रचाराचे नियोजन आणि संघटनात्मक तयारी यावरही बैठकीत चर्चा होण्याची शक्यता आहे.
महाराष्ट्रात आणि देशात ह्युंदाई कंपनीचे स्वागत आहे. माझ्या पत्नीने सर्वप्रथम ह्युंदाई कंपनीची कार वापरली होती. त्या वेळी त्या नागपूरमध्ये बँकेत काम करत होत्या. आज विविध कंपन्यांच्या कार असल्या, तरी त्यांची पहिली कार ह्युंदाई कंपनीची होती, अशी आठवण मुख्यमंत्री देवेंद्र फडणवीस यांनी सांगितली.
ह्युंदाई कंपनीत काम करणाऱ्या कामगारांपैकी ८० टक्के भारतीयांना नोकरीची संधी मिळेल, असा विश्वासही फडणवीस यांनी व्यक्त केला.
पुण्यात अमली पदार्थांची तस्करी करणाऱ्या राजस्थानमधील तिघांना पोलिसांनी अटक केली आहे. त्यांच्याकडून ७८ हजार रुपये किमतीचे १५६.१६ ग्रॅम अफीम जप्त करण्यात आले आहे. पुणे पोलिसांच्या खंडणी विरोधी पथकाने ही कारवाई केली. रामनिवास भवरराम बिष्णोई (वय २२), प्रकाश सुरजाराम बिष्णोई (वय ३२) आणि कैलाश सहीराम बिष्णोई (वय २२) अशी अटक करण्यात आलेल्या आरोपींची नावे आहेत.
पोलिसांचे पथक गस्त घालत असताना भारती विद्यापीठ पोलीस ठाण्याच्या हद्दीत तीन व्यक्ती अमली पदार्थ विक्रीसाठी येणार असल्याची गोपनीय माहिती मिळाली. त्यानुसार पोलिसांनी छापा टाकून तिघांना ताब्यात घेतले. त्यांच्याकडून अफीमसह दोन मोबाईल फोन, एक इलेक्ट्रिक वजनकाटा आणि एक दुचाकी असा मुद्देमाल जप्त करण्यात आला आहे. याप्रकरणी भारती विद्यापीठ पोलीस ठाण्यात तिघांविरुद्ध गुन्हा दाखल करण्यात आला आहे.
नंदुरबार शहरातील नवरात्रोत्सवादरम्यान भरणाऱ्या खोडाईमाता यात्रेत अन्न व औषध प्रशासनाने मिठाई विक्रेत्यांवर कारवाई केली. या कारवाईदरम्यान हॉटेल्स आणि मिठाईच्या दुकानांची तपासणी करण्यात आली. गोड शेव आणि जिलेबीमध्ये कृत्रिम रंगांचा प्रमाणापेक्षा जास्त वापर झाल्याच्या संशयावरून 1 लाख 9 हजार रुपये किमतीची 548 किलो गोड शेव आणि 3,280 रुपये किमतीची 19 किलो जिलेबी जप्त करण्यात आली.
पालघर जिल्ह्यातील वाडा तालुक्यातील दिनकर पाडा येथील जीनियस कलर कंपनीला भीषण आग लागली. कलरमधील केमिकलचा भडका उडाल्याने आग भडकली असून, घटनास्थळी अग्निशमन दलाच्या दोन गाड्या दाखल झाल्या आहेत. वाडा पोलिसांकडून सात टँकरच्या मदतीने आगीवर नियंत्रण मिळवण्याचे प्रयत्न सुरू आहेत.
कल्याणमधील उंबर्डे डम्पिंग ग्राउंड येथे सुपरवायझर किरण रसाळ यांना शिवीगाळ करून मारहाण केल्याप्रकरणी खडकपाडा पोलीस ठाण्यात चौघांविरोधात गुन्हा दाखल करण्यात आला आहे. किरण रसाळ यांनी दिलेल्या तक्रारीनुसार, भाजप पदाधिकारी विजय जोशी यांच्यासह तिघांविरोधात पोलिसांनी गुन्हा नोंदवला आहे.
वाशिम जिल्ह्यातील कारंजा-मालेगाव महामार्गावरील तपोवन फाट्याजवळ दोन दुचाकींची समोरासमोर भीषण धडक झाली. या अपघातात दोन्ही दुचाकींवरील तिघांचा मृत्यू झाला असून, मृतांमध्ये कारंजा येथील दोन उर्दू शिक्षकांचा समावेश आहे. हे दोन्ही शिक्षक शाळेच्या कामासाठी कारंजाहून वाशिमकडे जात असल्याची माहिती समोर आली आहे. तर दुसऱ्या दुचाकीवरील व्यक्तीचा रुग्णालयात नेत असताना वाटेत मृत्यू झाला.
धाराशिव जिल्ह्यातील उमरगा येथे थकीत ऊस बिलाच्या मागणीसाठी सुरू असलेले शेतकऱ्यांचे आंदोलन तिसऱ्या दिवशी अधिक तीव्र झाले आहे. थकीत बिलाचा प्रश्न मार्गी लावण्यासाठी आंदोलक शेतकऱ्यांनी थेट तहसील कार्यालयातील टॉवरवर चढून प्रशासनाचे लक्ष वेधण्याचा प्रयत्न केला.
राहुल गांधींची पत्रकार परिषद सुरू झाली आहे. परिषदेत आंदोलक विद्यार्थांनी पोलिसांनी मारहाण केल्याचं सांगितलं. शांततेत आंदोलन करूनही पोलिस मारत असल्याची माहिती सांगितली.
मावळ तालुक्यातील तळेगाव एमआयडीसी टप्पा दोन येथे हुंदाई मोटार इंडियाच्या पुणे प्रकल्पाचा उद्घाटन सोहळा थोड्याच वेळात मुख्यमंत्री देवेंद्र फडणवीस यांच्या हस्ते पार पडणार आहे. या प्रकल्पामुळे महाराष्ट्राच्या औद्योगिक विकासाला मोठी चालना मिळण्याची अपेक्षा आहे. तसेच पुणे आणि परिसरातील तरुणांसाठी रोजगाराच्या नव्या संधी उपलब्ध होण्याची शक्यता आहे.
पुणे जिल्ह्यातील आठ तालुक्यांमधील दुष्काळी परिस्थिती लक्षात घेऊन जिल्ह्यातून बाहेर सुका आणि ओला चारा वाहून नेण्यास बंदी घालण्यात आली आहे. जनावरांसाठी चाऱ्याची उपलब्धता कायम ठेवणे आणि टंचाई निर्माण होऊ नये, हा या निर्णयामागील उद्देश आहे. यासाठी पुणे जिल्हाधिकारी जितेंद्र डुडी यांनी प्रतिबंधात्मक आदेश जारी केले आहेत.
पवई येथील आयआयटीसमोर आज पुन्हा आंदोलन करण्यात येत आहे. विद्यार्थी साहिल वाकोडे यांच्या कुटुंबाला न्याय मिळावा, या मागणीसाठी आंदोलन सुरू आहे. रिपब्लिकन पक्षाच्या खोब्रागडे गटासह काही विद्यार्थी या आंदोलनात सहभागी झाले आहेत. आंदोलनाच्या पार्श्वभूमीवर परिसरात मोठा पोलीस बंदोबस्त तैनात करण्यात आला आहे.
पुणे शिक्षक मतदारसंघातील उमेदवारीवरून सुरू असलेला सस्पेन्स अखेर संपल्याची माहिती समोर आली आहे. भाजप आणि एकनाथ शिंदे यांच्या शिवसेनेत मैत्रीपूर्ण लढत होणार असल्याची सूत्रांची माहिती आहे. शिंदेंची शिवसेना सचिन सानप यांना, तर भाजप आणि मित्रपक्ष कौस्तुभ गावडे यांना पाठिंबा देणार असल्याचे समजते. महायुतीच्या वरिष्ठ नेत्यांच्या बैठकीत हा निर्णय झाल्याची माहिती उच्चपदस्थ सूत्रांनी दिली आहे.
सरकारी विभागांना किती निधी लागणार आणि किती खर्च होणार हे अचूक वेळेत देण्याचे वित्त विभागाचे आदेश
आगामी ३ वर्षाचे आर्थिक नियोजन विकास महाराष्ट्र 2030 च्या आराखड्यानुसार करण्याचे वित्त विभागाचे आदेश
सोबतच सुरू ठेवायच्या आणि बंद करायच्या सरकारी योजनांचा आढावा घेण्याचे देखील आदेश
२०२७-२८ च्या अर्थसंकल्पाची आणि २०२६-२७ च्या सुधारित अंदाजाची तयारी सुरू.
सर्व सरकारी विभागांना खर्च आणि निधीची गरज यांचा तपशील वेळेत सादर करण्याचे निर्देश.
१६ ऑक्टोबरपर्यंत नियंत्रक अधिकाऱ्यांनी अंदाज सादर करावेत.
३० ऑक्टोबरपर्यंत प्रशासकीय विभागांनी अर्थसंकल्पीय अंदाज सादर करावेत.
पुणे -
सलग चौथ्या दिवशीही पुण्यातील पाषाण येथे ज्ञानेश कुमार यांच्या राजीनाम्यासाठी बेमुदत आंदोलन सुरूच
सामाजिक कार्यकर्ते समीर उत्तरकर आणि वकील कीर्ती काळे यांच्या वतीने बाणेर -पाषाण लिंक रोड पाषाण बेमुदत आंदोलन सुरू
स्वाभिमानी शेतकरी संघटनेच्या कोगनोळी टोलनाक्यावरील आंदोलनाला आता वकील वर्गाचाही पाठिंबा मिळाला आहे.
निपाणी तालुका बार असोसिएशनच्या सर्व वकिलांनी या आंदोलनाला पाठिंबा जाहीर केला आहे.
आंदोलनादरम्यान शेतकऱ्यांवर जेवढे गुन्हे दाखल होतील, ते सर्व गुन्हे मोफत चालविण्याची घोषणा बार असोसिएशनच्या अध्यक्षांनी आज केली आहे.
त्यामुळे शेतकऱ्यांच्या आंदोलनाला आता कायदेशीर पाठबळही मिळालं आहे.
एमपीएससीतून आरोग्य विभागात भरती प्रकरण
आवश्यक प्रमाणपत्रांशिवाय उमेदवारांचा सेवेत समावेश झाल्याचा आरोप
माहितीच्या अधिकारातून धक्कादायक माहिती उघड
प्रमाणपत्रांशिवाय सेवेत रुजू झाले असल्यामुळे भभरती प्रकिया पुन्हा एकदा प्रश्नचिन्ह
दिल्ली -
आशुतोष रांका आणि सौरभ दास यांना अटक झाल्यानंतर सीजेपीची दिल्लीत पत्रकार परिषद
सीजेपीचे राष्ट्रीय समन्वयक अजिंक्य शिंदे घेणार पत्रकार परिषद
त्याचबरोबर आज अभिजीत दिपके दिल्लीत दाखल होणार
अभिजीत दिपके दिल्लीत दाखल झाल्यानंतर पत्रकार परिषद घेण्याची
गोकुळ प्रचारासाठीच्या सभेत महायुतीचे पदाधिकारी स्टेजवर भिडले
एकामेकांच्या अंगावर धाऊन जाण्याचा प्रकार
राष्ट्रवादीचे जिल्हाध्यक्ष बाबासाहेब पाटील आणि जनसुराज्यचे अमर खोत यांच्यात शाब्दिक वाद झाला
गोकुळ प्रचारासाठी शाहूवाडी येथे आयोजित सभेत घडला प्रकार
निवडणुकीत राष्ट्रवादीचे नेते एकत्र मात्र कार्यकर्ते विखुरलेले अशी परिस्थिती व्हायला नको असा उल्लेख अमर खोत यांनी केल्यामुळे झाला वाद
कल्याण -
स्टेशन मास्तरांवरील हल्ल्यांविरोधात रेल्वे कर्मचारी असोसियन आक्रमक,
हल्लेखोरांच्या अटकेच्या मागणीसह कर्मचाऱ्यांच्या सुरक्षेसाठी केली जोरदार मागणी
कोल्हापूर -
स्वाभिमानी शेतकरी संघटनेच्या आंदोलनाचा आज दुसरा दिवस
दुसऱ्या दिवशी देखील पुणे-बंगळुरू महामार्ग ठप्प
स्वाभिमानी शेतकरी संघटनेचे नेते राजू शेट्टी यांच्यासह अनेक शेतकरी आंदोलनात सहभागी
कोगनोळी टोल नाका परिसरातील पुणे बंगळुरू महामार्गावर राजू शेट्टी यांच्यासह शेतकऱ्यांनी मारला ठिया
जोपर्यंत मागण्या मान्य होत नाही तोपर्यंत आंदोलन मागं घेतलं जाणार नाही राजू शेट्टी यांचा इशारा
स्वाभिमानी शेतकरी संघटनेच्या महामार्ग रोको आंदोलनाचा फटका आता हजारो वाहनचालकांना बसत आहे.
पुणे-बंगळुरू राष्ट्रीय महामार्गावरील आंदोलनाला २४ तास होत आले तरीही वाहतूक पूर्ववत झालेली नाही.
कोल्हापुरातील लक्ष्मी टेकडी आणि फाईव्ह स्टार एमआयडीसी परिसरात हजारो ट्रक आणि कंटेनर अडकून पडलेत.
छत्रपती संभाजीनगर जिल्ह्यातील कन्नड तालुक्यात घुसूर तांडा शिवारात शेतातील विहिरीत पडलेल्या बिबट पिल्लाची वन विभागाने सुरक्षित सुटका केली आहे. शेतकरी अनिल हरिदास चव्हाण यांच्या शेतातील विहिरीत बिबट्याचे पिल्लू पडल्याचे निदर्शनास आले. घटनेची माहिती मिळताच कन्नड प्रादेशिक वन विभागाने तत्परतेने घटनास्थळी धाव घेत स्थानिक नागरिकांच्या मदतीने पिल्लाला विहिरीतून सुरक्षित बाहेर काढले. त्यानंतर पिल्लाची वैद्यकीय तपासणी करून त्याला नैसर्गिक अधिवासात मुक्त करण्यात आले. वन विभागाच्या तत्परतेमुळे बिबट पिल्लाला जीवदान मिळाले आहे.
पवित्र इंद्रायणी नदीच्या प्रदूषणामुळे नदीतील जलचर प्राण्यांचा मृत्यू होत असल्याचे चित्र समोर येत आहे. नदीपात्रात मृत जलचरांचा खच पडल्याने स्थानिक ग्रामस्थांमधून तीव्र संताप व्यक्त होत आहे. दूषित इंद्रायणी नदी स्वच्छ करून पूर्ववत सुस्थितीत आणण्यासाठी राज्य सरकारने तातडीने उपाययोजना कराव्यात, अशी मागणी ग्रामस्थांनी केली आहे. अन्यथा नदीतील मृत जलचर प्राणी थेट सरकारच्या टेबलवर आणून ठेवू, असा आक्रमक इशाराही ग्रामस्थांनी दिला आहे. आता तरी प्रशासन आणि सरकार या गंभीर प्रश्नाची दखल घेणार का, असा सवाल उपस्थित होत आहे.
बुलढाणा जिल्ह्यातील लोणार सरोवरातील लाखो भाविकांचे श्रद्धास्थान असलेले प्रसिद्ध कमळजा देवी मंदिर सरोवरातील वाढत्या पाणीपातळीमुळे पूर्णपणे पाण्याखाली गेले आहे. नवरात्रोत्सवात देवीच्या दर्शनासाठी येणाऱ्या भाविकांना यंदा दर्शन घेता येत नसल्याने तीव्र नाराजी व्यक्त होत आहे. सरोवरातील वाढत्या पाणीपातळीबाबत लोणारवासीयांनी मागील वर्षापासून शासनाकडे वारंवार निवेदने देऊनही दखल घेतली नसल्याचा आरोप करण्यात येत आहे. मंदिर पाण्याबाहेर काढण्यासाठी सरोवरातील पाण्याचा उपसा करून पाणीपातळी कमी करण्याच्या मागणीसाठी लोणार तहसील कार्यालयासमोर नागरिकांनी आमरण उपोषण सुरू केले आहे. उपोषणाचा तिसरा दिवस उजाडूनही कोणत्याही अधिकाऱ्याने आंदोलनाची दखल घेतली नसल्याने संताप व्यक्त होत आहे.
पावसाने ओढ दिल्यानं मावळच्या भातशेतीची ही दयनीय अवस्था झाली आहे. त्यामुळं शेतकऱ्यांच्या हातातोंडाशी आलेला घास हिरावला जाण्याची भीती निर्माण झाली आहे. परिणामी साडेबारा हजार हेक्टर पैकी 65 ते 70 टक्के क्षेत्रावर याचा परिणाम झालाय. त्यामुळे यंदा उत्पादनात घट होणार आहे. एरव्ही 500 ते 550 टन भाताचं उत्पादन होतं, पण यंदा केवळ 150 ते 200 टन उत्पादन होणार आहे.
लातूर येथील आरोग्य उपसंचालक पदावर असलेल्या डॉक्टर रेखा गायकवाड यांना अखेर निलंबित करण्यात आल आहे, डॉक्टर रेखा गायकवाड कार्यकाळातील कामांची चौकशीचे आदेश राज्याच्या शहरी आरोग्यसेवा चे आयुक्त तथा राष्ट्रीय नागरिक आरोग्य अभियानाचे संचालक डॉक्टर सुनील भोकरे यांनी दिले होते दोन वेळा ही चौकशी समिती देखील बदलण्यात आली मात्र अखेर डॉक्टर रेखा गायकवाड यांना निलंबित करण्यात आलं आहे, डॉक्टर रेखा गायकवाड यांनी त्यांच्या कार्यकाळात अधिकारी गट (अ) प्रतिनियुक्ती ,अस्थायी नियुक्ती, बंदपत्रीत वैद्यकीय अधिकारी यांची नियुक्ती, गट (क)संवर्गातील अधिकारी कर्मचाऱ्यांची बदल्या , पदोन्नती प्रक्रिया,बोगस व्यवसायिका विरुद्ध केलेली कारवाई यासह उपसंचालक स्तरावरून रुग्णालयांसाठी देण्यात आलेल्या तांत्रिक मंजुरी शिवाय औषध उपकरणे खरेदी याची चौकशी करण्यात आली होती, चौकशीत मोठी तफावत आढळल्याने कारवाई करण्यात आली आहे.
सौरभ दास आणि आशुतोष रांका यांना ५ दिवसांची न्यायालयीन कोठडी सुनावण्यात आली आहे. जंतरमंतरवर विनापरवानगी आंदोलन केल्याचा आरोप यांच्यावर आहे. त्याप्रकरणी त्यांना अटक करण्यात आली होती. सरकारने तुरूंगात पाठवले तरी घाबरणार नाही, अशी प्रतिक्रिया CJP चे अक्षय शिंदे यांनी दिली आहे.
महाराष्ट्र-कर्नाटक सीमेवरील कोगनोळी टोलनाक्यावर सुरू असलेल्या स्वाभिमानी शेतकरी संघटनेच्या बेमुदत महामार्ग रोको आंदोलनाचा फटका आता थेट कोल्हापूरच्या भाजीपाला बाजाराला बसू लागला आहे. दोन्ही राज्यांच्या सीमेवर भाजीपाला आणि नाशवंत मालाची वाहतूक करणारे ट्रक आणि कंटेनर अडकून पडल्याने कोल्हापूरच्या बाजारात भाजीपाल्याची आवक घटली आहे. याचा परिणाम दरांवर झाला असून, काही भाज्यांच्या किमतीत ३० ते ४० टक्क्यांपर्यंत वाढ झाल्याचं पाहायला मिळत आहे. त्यामुळे आधीच महागाईने त्रस्त असलेल्या सर्वसामान्यांच्या खिशाला आता आणखी कात्री लागणार आहे.
आज राज्यात उन्हाचा चटका आणि उकाडा कायम राहण्याची शक्यता
कोकणात उष्ण व दमट हवामानाचा अंदाज; ठाणे,मुंबई आणि रायगड जिल्ह्यांना येलो अलर्ट
रत्नागिरी, पुणे, सातारा, बीड आणि जालना जिल्ह्यांत तुरळक ठिकाणी विजांच्या कडकडाटासह पावसाची शक्यता
राज्यात अनेक ठिकाणी कमाल तापमान ३७ अंश सेल्सिअसच्या पुढे; दुपारच्या वेळी उन्हाचा तीव्र चटका
रत्नागिरी येथे ३९.२ अंश सेल्सिअस तापमानाची नोंद; मालेगाव आणि मुंबईतील सांताक्रूझ येथे ३८ अंशांपेक्षा अधिक तापमान
नाशिक शहराच्या आगामी पाणीपुरवठ्याबाबतचा महत्त्वाचा निर्णय १५ ऑक्टोबरनंतर होणार आहे. महापालिकेने यंदाच्या पाणी आरक्षणासाठी एकूण ८ टीएमसी (अंदाजे ७,९९५ दलघफू) पाण्याची मागणी केली आहे. मागणीनुसार पाणी कोटा मंजूर न झाल्यास, शहरात पाणीकपातीची शक्यता वर्तवली जात आहे. १५ ऑक्टोबर २०२६ ते ३१ ऑगस्ट २०२७ या कालावधीसाठी हे पाणी आरक्षित करण्याची मागणी करण्यात आली आहे.
मराठवाड्यातील दुष्काळी परिस्थितीच्या पार्श्वभूमीवर आज काँग्रेसकडून छत्रपती संभाजीनगरमध्ये जनआक्रोश दुष्काळ मोर्चा काढण्यात येणार आहे. काँग्रेस प्रदेशाध्यक्ष हर्षवर्धन सपकाळ यांच्या नेतृत्वाखाली दुपारी 12 वाजता पैठण गेट येथून या मोर्चाला सुरुवात होणार असून, तो विभागीय आयुक्त कार्यालयापर्यंत जाणार आहे. शेतकऱ्यांना हेक्टरी 1 लाख रुपये आर्थिक मदत द्यावी, तसेच शेतकऱ्यांची संपूर्ण कर्जमाफी करावी मागण्या मोर्चाच्या माध्यमातून करण्यात येणार आहेत. या मोर्चात विजय वडेट्टीवार, अमित देशमुख, बाळासाहेब थोरात, खासदार कल्याण काळे, खासदार रवींद्र चव्हाण आणि शिवाजीराव काळगे यांच्यासह काँग्रेसचे प्रमुख नेते सहभागी होणार आहेत.
- बंडखोरांची नाराजी दूर! अनिल सोले आणि माजी आमदार गिरीश व्यास यांची निवडणूक समितीत सहप्रभारीपदी नियुक्ती.
- बावनकुळेंच्या उपस्थितीत शक्तिप्रदर्शन सोले समर्थकांच्या बैठकीत आगामी निवडणुकीच्या रणनीतीवर चर्चा.
- 'झाले गेले विसरून कामाला लागा!' प्रा. अनिल सोले यांचे समर्थकांना एकजुटीचे आवाहन.
- सुधाकर कोहळे यांच्या प्रचाराला बळ भाजपकडून पदवीधर निवडणुकीसाठी एकजुटीचे प्रयत्न.
ऊसदर, इथेनॉलच्या दरासह विविध मागण्यांसाठी महाराष्ट्र-कर्नाटक सीमेवरील राष्ट्रीय महामार्ग क्रमांक ४८ वरील कोगनोळी टोलनाक्याजवळ सुरू असलेल्या आंदोलनामुळे वाहतुकीवर परिणाम झाला आहे. १३ ऑक्टोबरच्या सकाळपासून सुरू असलेले आंदोलन अद्याप सुरूच असल्याने कोल्हापूरहून बेळगाव आणि बंगळूरकडे जाणाऱ्या वाहनचालकांनी प्रवासाचे नियोजन करून पर्यायी मार्गांचा वापर करावा, असे आवाहन विशेष पोलिस महानिरीक्षक रंजन कुमार शर्मा यांनी केले आहे.
पुण्यातल्या एम पी एस सी आंदोलनात आक्रमक भाषण करत सर्वांचं लक्ष वेधून घेणाऱ्या विवेकानंद पाटील याचं जंगी स्वागत करण्यात आले. कोल्हापूर जिल्ह्यातल्या राधानगरी तालुक्यातील माजगाव येथे रात्री गावकऱ्यांच्या वतीने डॉल्बीच्या दणदणाटात विवेकानंद पाटीलचे स्वागत करण्यात आले. यावेळी गावकऱ्यांनी पुष्पहार घालत त्याचं औक्षण ही केला आहे. यावेळी विवेकानंद सोबत त्याचे आई-वडीलही या रॅलीमध्ये सहभागी झाले होते. विवेकानंद च्या आक्रमक भाषाशैलीने महाराष्ट्रातील तमाम युवकांना भुरळ घातली. या पार्श्वभूमीवर गावकऱ्यांनी विवेकानंद जल्लोषात स्वागत केले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.