Maharashtra Exit Polls: चांदवडमध्ये पुन्हा कमळ फुलणार? राहुल आहेर होणार आमदार? पाहा एक्झिट पोल

Polls Of Maharashtra: राज्यात बुधवारी (२० नोव्हेंबर) विधानसभेसाठी मतदान पार पडलं. नाशिक जिल्ह्यातील चांदवड मतदारसंघ अतिशय महत्वाचा मानला जातो. या मतदारसंघात भाजपच्या उमेदवाराने मैदान मारल्याचं चित्र दिसतंय.

चांदवड मतदारसंघात भाजप विरुरद्ध काँग्रेस अशी लढत पाहायला मिळाली. भाजपकडून राहुल आहेर हे निवडणुकीच्या रिंगणात होते. तर काँग्रेसकडून शिरीशकुमार कोतवाल हे निवडणुकीच्या रिंगणात होते. दोघांमध्येही अतिशय चुरशीची लढत पाहायला मिळाली. मात्र जनतेचा कौल राहुल आहेर यांच्या बाजूने असल्याचं कळतंय.

सकाळ समुहाच्या एक्झिट पोलनुसार, राहुल आहेर हे यंदाही निवडून येऊ शकतात. राहुल आहेर हे चांदवडचे विद्यमान आमदार आहेत. यापूर्वी २०१९ च्या निवडणुकीत चांदवडच्या जनतेने त्यांना निवडून दिलं होतं. त्यामुळे ते पुन्हा एकदा आमदार होऊ शकतात. चांदवडचे संभाव्य आमदार म्हणून राहुल आहेर हे आघाडीवर असल्याचं कळतंय.