Eknath Shinde: दे दणादण! क्रिकेटच्या मैदानावर CM शिंदेंची जोरदार बॅटिंग; Video Viral

CM Eknath Shinde: राजकीय नेत्यांचे क्रिकेटप्रेम सर्वपरिचित आहे. अनेक क्रिकेट सामन्यांच्या स्पर्धांना उपस्थिती लावत हे पुढारी क्रिकेट खेळताना दिसत असतात. सध्या राज्याचे मुख्यमंत्री एकनाथ शिंदेंच्याही अशाच क्रिकेटच्या मैदानावरील फटकेबाजीचा व्हिडिओ सोशल मीडियावर चांगलाच व्हायरल होत आहे. (CM Eknath Shinde)

याबाबत अधिक माहिती अशी की, बाळासाहेबांची शिवसेना पक्षाच्या वतीने 'धर्मवीर आनंद दिघे साहेब चषक 2023' या स्पर्धेचे आयोजन करण्यात आले होते. या क्रिकेट स्पर्धेला आज मुख्यमंत्री एकनाथ शिंदे यांनी उपस्थित राहून स्पर्धकांचा उत्साह वाढवला. यावेळी कार्यकर्त्यांच्या आग्रहाला मान देवून त्यांनी यावेळी बॅटिंगही केली.

मुख्यमंत्री एकनाथ शिंदेंनी यावेळी चांगलीच फटकेबाजी केलेली पाहायला मिळाली. त्यांच्या बॅटीतून फटकावलेला प्रत्येक चेंडू सीमापार करत होता. मुख्यमंत्र्यांच्या या धुवांधार बॅटिंगचे त्यांच्या चाहत्यांनीही चांगलेच कौतुक केले असून त्यांच्या बॅटिंगचा व्हिडिओ सोशल मीडियावर तुफान व्हायरल होताना दिसत आहे.

दरम्यान, ठाणे शहरात आयोजित करण्यात आलेली ही सगळ्यात मोठी क्रिकेट स्पर्धा असून यंदा त्यात अनेक संघ सहभागी झाले आहेत. टेम्भी नाका शिवसेना (Shivsena) शाखेचे शाखाप्रमुख निखिल बुडजडे यांच्या पुढाकाराने या स्पर्धेचे आयोजन करण्यात आले आहे. आज वेळात वेळ काढून मुख्यमंत्री या स्पर्धेला हजर राहिले होते.