अधिका-यावर आराेप; महापारेषणच्या वायरमनचा आत्महत्येचा प्रयत्न

कोल्हापूर : अधिकाऱ्याच्या नावे चिठ्ठी लिहून महापारेषणच्या वायरमनने आत्महत्येचा प्रयत्न केला खरा मात्र त्याला वाचविण्यात स्थानिकांना यश आले. कोल्हापूरच्या शिंगणापूर बंधाऱ्यावर एक युवक चढला हाेता. ताे आत्महत्या करण्याच्या प्रयत्नात असल्याचे स्थानिकांना समजले. त्यांनी तातडीने त्यास रोखलं आणि त्याचा जीव वाचवला. mahapareshan-employee-jumped-in-shingnapur-kolhapur-breaking-news-sml80

प्रशांत ढाेणे असे आत्महत्येचा प्रयत्न करणा-याचे नाव आहे. त्याने विकास बंदी नावाच्या अधिका-यांवर आराेप केले आहेत. ते मला वारंवार त्रास देत असल्याचे त्याने नमूद केले. आई-वडील यांच्या नावे चिठ्ठी लिहून प्रशांतने आत्महत्येचा प्रयत्न केला हाेता.

ताे म्हणाला ते मला वारंवार त्रास देतात. परवा त्यांची परवानगी घेऊन मी सुट्टीवर गेलाे हाेताे. तरी देखील त्यांनी माझी खाेटी तक्रार वरिष्ठांकडे केली. मी परवानगी मागितली नाही असे ते खाेटे सांगताहेत. दाेन वर्षापासून मला त्रास हाेत आहे. आई वडीलांचा विचार करुन मी गप्प हाेताे परंतु आता माझी सहनशक्ती संपल्याने मी हे पाऊल उचलले.

edited by : siddharth latkar