Madha Lok Sabha Constituency : महादेव जानकरांचा ठरलं, बारामती नव्हे यंदा 'या' मतदारसंघातून लाेकसभा लढणार

Satara News :

राष्ट्रीय समाज पक्षाचे नेते महादेव जानकर (mahadev jankar) हे माढा मतदारसंघातून आगामी लाेकसभा निवडणुक लढविणार आहेत. दरम्यान माढा लोकसभा मतदारसंघात विजयी निर्धार मेळाव्याचे आयोजन येत्या १७ फेब्रुवारीला फलटण येथे केल्याची माहिती रासपचे प्रदेशाध्यक्ष काशिनाथ शेवते यांनी साम टीव्हीशी बाेलताना दिली. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

रासपचे प्रदेशाध्यक्ष काशिनाथ शेवते म्हणाले राष्ट्रीय समाज पक्षाच्या वतीने माढा लोकसभा मतदारसंघात विजय निर्धार मेळाव्याचे आयोजन करण्यात आले आहे. या मेळाव्याला रासपचे नेते महादेव जानकर हे उपस्थित राहणार आहेत.

या मेळाव्याच्या दिवशी सकाळी शिखर शिंगणापुर येथील शंभु महादेवांना अभिषेक घालुन शिखर शिंगणापुर ते फलटण असे शक्ती प्रदर्शन करत भव्य रॅली काढण्यात येणार आहे असेही शेवते यांनी नमूद केले.  (Maharashtra News)

महादेव जानकर हे स्वत: माढा लोकसभा मतदारसंघातुन निवडणुक लढवणार असल्यामुळे या विजय निर्धार मेळाव्याचे आयोजन करण्यात आल्याची माहिती रासपचे प्रदेशाध्यक्ष काशिनाथ शेवते यांनी दिली.

Edited By : Siddharth Latkar