Wardha News : क्रिकेटवर सट्टा घेणारे दाेघे अटकेत, 18 जण LCB च्या रडारावर; पंचवीस लाखांचा मुद्देमाल जप्त

- चेतन व्यास

वर्धा शहरात क्रिकेटवर लागणारा सट्टा राेखण्यासाठी पाेलिसांनी ठाेस पावलं उचलली आहेत. पाेलिसांनी सुमारे वीस सट्टेबाजांवर कारवाई केली आहे. त्यापैकी दाेघांना अटक करण्यात पाेलिसांना यश आले आहे. या कारवाईत सुमारे पंचवीस लाख 73 हजार रुपयांचा मुद्देमाल जप्त करण्यात आला आहे. ही कारवाई स्थानिक गुन्हे शाखेने (local crime branch) केली आहे.

वर्धा (wardha) पोलिस ठाण्याच्या हद्दीत आसिफ शेख हा निखिल पंजवानी याच्या सोबत संगनमत करून एका क्रिकेट लीगच्या मॅचेससाठीचा ऑनलाईन सट्टा चालवीत आहे याची माहिती पाेलिसांना मिळाली. जिल्हा पोलीस अधीक्षक नूरूल हसन आणि स्थानिक गुन्हे शाखेचे पोलीस निरीक्षक संजय गायकवाड यांच्यापर्यंत देखील माहिती पाेहचली.

स्थानिक गुन्हे शाखेने कच्छी लाईन परिसरात धाड टाकली. त्यावेळी दाेघांना रांगेहाथ पकडले. त्यांच्या चाैकशी केली असता ते सट्टा चालवीत असल्याची माहिती समाेर आली. पाेलिसांनी दाेघांना अटक (arrest) केली. दरम्यान संशयितांच्या मोबाईलची तपासणी करण्यात आली. (Maharashtra News)

त्यामुळे अठरा लोकांचा सट्टा प्रकरणात सहभाग असल्याचे समोर आले. या प्रकरणी पोलिसांनी वीस जणांवर विविध कलमन्वये गुन्हा दाखल केला. या कारवाईत पोलिसांनी चारचाकी वाहन, मोबाइलसह 25 लाख 73 हजार 950 रुपयाचा मुद्देमाल जप्त केला आहे.

Edited By : Siddharth Latkar