Laxman Hake : आमच्या ४ पिढ्या घाबरल्या, पण आता बोलणार, आंदोलन करणार; लक्ष्मण हाकेंचं प्रत्युत्तर

योगेश काशिद, साम टीव्ही

ओबीसी नेते लक्ष्मण हाके यांच्या लग्नावरील वक्तवाचा मराठा समाजाचा विरोध केला जात आहे. लग्नाच्या वक्तव्यावरून मराठा आंदोलकांनी लक्ष्मण हाके यांना ठोकून काढण्याचा इशारा दिला आहे. मराठा आंदोलकांच्या विधानावर आता ओबीसी नेते लक्ष्मण हाके यांनी प्रत्युत्तर दिलं आहे. आमच्या आतापर्यंत आमच्या ४ पिढ्या घाबरल्या. पण आता बोलणार आणि आंदोलन करणार आहोत, असं प्रत्युत्तर लक्ष्मण हाके यांनी दिलं.

लक्ष्मण हाके हे ओबीसी आंदोलनाच्या पार्श्वभूमीवर राज्यभर दौरे करत आहेत. आज गुरुवारी लक्ष्मण हाके हे बीड दौऱ्यावर आहेत. या दौऱ्यादरम्यान हाके यांनी माध्यमांशी संवाद साधला. हाके म्हणाले, ' मी छत्रपती राजश्री शाहू महाराज यांचा एक विचार मांडला होता. मी कुठेही लग्न लावा, लग्न लावा किंवा लग्न लावायला गेलो नव्हतो. मी नुसतं बोललो तर एवढ्या इंगळ्या डसल्या'.

'या लोकांना सामाजिक मागासांचं आरक्षण पाहिजे. मागासपणाचे हार्डल्स एकही ऑर्डर्स पूर्ण न करता, आम्ही कसे 96 कुळी. आम्ही कसे क्षेत्रीय आहोत. आम्ही कसे मराठी जात वर्चस्वाची यांची भाषा. आता काय म्हणतायत ठोकून काढू. मी आता खूप घाबरलोय. मी काय आता उद्यापासून सभा काही देणार नाही. घोंगडं पांघरून घरात झोपतो. राजेंद्र कोंढरे यांच्या ठोकून काढूला मी एवढा घाबरलो, असे लक्ष्मण हाके उपरोधिकपणे म्हणाले.

'मी आता बीडमध्ये आहे. मी काल कळमनुरीमध्ये होतो. सकाळी नांदेडमध्ये होतो. आज माजलगावमधील मंजरथमध्ये सभा घेऊन आलो. उद्या केजमध्ये सभा घेतोय. संध्याकाळी गेवराईमध्ये आहे. कुणाला ठोकायचा आहे ना... या. तुमच्या ठोकायच्यामुळे आमच्या बाप दादाच्या चार पिढ्या घाबरल्या. आम्ही प्रतीकात्मक बोलणार. आम्ही आंदोलन करणार. आम्ही संविधानाला मानणारे माणस आहोत. आम्हाला काही कळत नाही, या भानगडीत कोणी पडायचे नाही, असे हाके म्हणाले.

हैदराबाद गॅझेटशी संबंधित कोर्टाच्या एका निकालावर हाके म्हणाले, मी तो निकाल पाहिला नाही. तो निकाल पाहून बोलतो. मात्र आमच्या अनेक त्याचे का आहेत आणखी आणि हे आरक्षण बेकायदा आहे. सरकारने काढलेला हा जीआर रद्द केला नाही. तर आम्ही गावगाड्यातील ओबीसी आम्ही एकत्र येऊ. आता ओबीसींच्या पिवळ्या वादळाला, सामाजिक न्यायाच्या वादळाला येथील आमदार खासदारांना सामोरे जावे लागेल'.