Chhagan Bhujbal News: चार तासापुर्वी कल्पना देऊनही पोलीस गाफील राहिले; मंत्री छगन भुजबळ यांनी डागली सरकारवरच तोफ

संदीप भोसले 
लातूर : आमदार प्रकाश सोळंके यांचे घर पेटवल्यानंतर मला ज्यावेळी ही घटना समजली. त्यावेळी सुभाष राऊत हे माझ्यासोबत मंत्रालयात होते. त्याचवेळी (Beed) बीडच्या पोलीस अधीक्षकांना फोन करून कल्पना दिली होती. सुभाष राऊत यांच्या हॉटेलवर दगडफेक होऊ शकते. चार तासानंतर हा प्रकार घडला असून बीडची पोलीस यंत्रणाच फेलिव्हर असल्याचे मंत्री छगन भुजबळ (Chagan Bhujbal) यांनी सांगितले. (Maharashtra News)

मराठा आरक्षणासाठी आंदोलनादरम्यान मराठा आंदोलकांनी हल्ले करत तोडफोड केली होती. या दरम्यान आमदार प्रकाश सोळंके यांचे घर पेटविले तर राऊत यांच्या हॉटेलवर दगडफेक केली होती. यावर बोलताना मंत्री छगन भुजबळ यांनी पोलीस यंत्रणेवर बोट ठेवत सरकारवरच तोफ डागली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गुन्हे मागे घेऊ नका 
चार तास वेळ मिळून (Latur) देखील या ठिकाणी पोलिस बंदोबस्त देण्यात आला नव्हता. यातच पोलिसांचे अपयश दिसते. याबरोबरच पोलिसांचा गुप्त वार्ता विभाग ही या प्रकाराची माहिती देऊ शकला नाही, हे अपयश आहे. यात एसआयटी असेल न्यायालयीन चौकशी असेल काय करायचे ते करा यातील गुन्हे देखील मागे घेऊ नका असे म्हणत सरकारवरच भुजबळांनी तोफ डागली.