डोंगरशेळकी येथील पाझर तलाव फुटला; वाहतूक ठप्प

दीपक क्षीरसागर

लातूर : जिल्ह्यातील उदगीर Udagir तालुक्यातील डोंगरशेळकी Dongarshelaki येथील पाझर तलाव तुडूंब भरल्याने फुटला आहे. उदगीर तालुक्यात सतत चार दिवसांपासून संततधार पाऊस सुरू होता. या पावसाने तालुक्यातील सर्वच तळे तुडूंब भरून वाहू लागले आहेत. आज डोंगरशेळकी येथील पाझर तलाव फुटल्याने शेतकऱ्यांचे मोठया प्रमाणात शेतातील Farm पिके वाहून गेल्याने नुकसान झाले आहे.

हे देखील पहा-

सदरील पाझर तलावाच्या सांडव्याच खोदकाम प्रगतीपथावर सुरू असल्याची माहिती हाती आली आहे. या घटनेची माहिती मिळताच घटनास्थळी उदगीर पंचायत समितीचे उपसभापती बाळासाहेब मारलापले दाखल झाले. घटनास्थळाची पाहणी करून माहिती घेतली आहे.

सदरचा तलाव फुटल्याने तलावालगत शेती असलेले शेतकरी भारत सिंग गांगासिंग ठाकूर, विठ्ठलसिंग गंगासिंग ठाकूर, सिंधू विठ्ठलसिंग ठाकूर आणि पांडुरंग सोपान पुंड याचं मोठे नुकसान झाले आहे.

सदरील डोंगरशेळकी तलावाचे काम 2003 ते 2005 दरम्यान झाले असून 2015-16 या तलावांची उंची वाढवण्याचे काम झाले. परंतु निकृष्ट दर्जाचे काम झाल्यामुळे हा पाझर तलाव फुटला असल्याचं स्थानिक नागरिकांचं मत आहे.

एकूण 12 एकर जमिनीत तलाव झाला होता. हा तलाव भारतसिंग गंगासिंग ठाकूर यांच्या मालकीच्या शेतात झाला होता. हा तलाव फुटल्याने गंगासिंग ठाकुर यांची 6 ते 7 एकर जमीन पाण्याखाली गेली दरम्यान उदगीर ते डोंगरशेळकी गावादरम्यान वाहतूक काही काळ ठप्प होती.

Edited By-Sanika Gade