Kolhapur News : विजेचा धक्का लागून दोघा सख्या भावांचा मृत्यू; कोल्हापुरात शेतात काम करताना दुर्घटना

कोल्हापूर जिल्ह्यातील शाहूवाडी तालुक्यात एक दुर्दैवी घटना घडली आहे. शेतात काम करताना वीजेचा धक्का बसून दोन सख्या भावांचा मृत्यू झाला आहे. कृष्णा पाटील (वय 39) व स्वप्नील कृष्णा पाटील (वय 36) अशी या दोघांची नावं असून या दुर्घटनेने कोपर्डे गावावर शोककळा पसरली आहे.

घटनास्थळावरून मिळालेल्या माहितीनुसार, कोल्हापूरमधील शाहूवाडी तालुक्यातील मौजे कोपार्डे गावात आज सायंकाळी 4 च्या सुमारास कृष्णा आणि स्वप्नील शिवारात कामासाठी गेले होते. शेतात काम करत असताना चुकून विद्युत खांबाला त्यांचा स्पर्श झाला आणि त्यांना विजेचा धक्का बसला. यात त्यांचा जागीच मृत्यू झाला आहे. घटनेची माहिती मिळताच नातेवाईक आणि ग्रामस्थांनी शिवारात धाव घेतली. मात्र, तोपर्यंत दोघांचा मृत्यू झाला होता. मृतदेह पोस्टमार्टसाठी मलकापूर ग्रामीण रुग्णालयात पाठवण्यात आले आहेत.