कोल्हापूर : कोल्हापूर-गोवा महामार्गावर स्वतःला ‘भाई’ समजणाऱ्या काही तरुणांनी महामार्गावरील वाहतुकीला धाब्यावर बसवत स्टंटबाजी करून विडियो आपल्या अकाऊंटवर पोस्ट करून दहशत माजवण्याचा प्रयत्न केला आहे. या टोळक्याने दुचाकी आणि चारचाकी वाहनांचा वापर करून रील तयार केली. जी सोशल मीडियावर मोठ्या प्रमाणात व्हायरल झाली आहे.
भरदिवसा महामार्गावर ट्रिपल सीट भरधाव दुचाकीस्वार आणि मोठ्या आवाजात वाहनं चालवत या तरुणांनी अक्षरशः धुमाकूळ घातला. विशेष म्हणजे या स्टंटबाजांमध्ये ‘रील स्टार’ म्हणून ओळखला जाणारा तरुण आणि त्याचे अनुयायी आहेत. या प्रकारामुळे इतर वाहनचालक व नागरिक त्रस्त झाले असून, अशा धोकादायक कृत्यांवर कठोर कारवाईची मागणी केली जात आहे.
सदर व्हिडिओ संबंधित इन्स्टाग्रामस्टारने स्वतःच्या अकाउंटवरून शेअर केला असून, त्यावर लोकांनी संतप्त प्रतिक्रिया दिल्या आहेत. दरम्यान हा व्हिडिओ पाहिल्यानंतर नागरिकांनी संबंधित तरुणांविरोधात कठोर कारवाई करण्याची मागणी केली आहे. पोलिसांकडून या प्रकरणी कारवाई करण्यात येईल का? याकडे सर्वांचे लक्ष लागले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.