KDMC News: पाणी का तुंबले..आयुक्तांनी मागितला अहवाल; पावसात कल्याण डोंबिवली तुंबली

अभिजीत देशमुख

कल्याण : आज झालेल्या पावसामुळे कल्याण (Kalyan) डोंबिवली शहरात अनेक ठिकाणी पाणी तुंबल्याने दिसून आले. पावसाने (Rain) जणू नालेसफाईची पोलखोल केली. नालेसफाई झाली असताना पाणी का तुंबले? याबाबतचा अहवाल आयुक्‍तांनी मागविला आहे. (Maharashtra News)

कल्याण डोंबिवलीत आजच्‍या पावसामुळे पाणी साचले आहे. आजच्‍या पावसामुळे नालेसफाई झाल्याचा दावा करणारे कल्याण डोंबिवली महापालिका प्रशासन खडबडून जागे झाले. महापालिका आयुक्तांनी संबधित ठिकाणी पाणी कशामुळे साचले. काय कारणं होती याबाबतचा अहवाल सादर करण्याचे आयुक्तांचे संबंधित अभियंता व प्रभाग अधिकाऱ्यांना आदेश दिले आहे.

तर ठेकेदाराच्‍या बिलातून पैसे कापणार

गटार सफाई नालेसफाई न झाल्यामुळे पाणी तुंबल्याचे आढळल्यास ठेकेदारांच्या बिलातून पैसे कापणार. तसेच ठेकेदारावर कारवाई करणार असल्याची माहिती (KDMC) कल्याण डोंबिवली महापालिकेचे शहर अभियंता अर्जुन आहीरे यांनी दिली.