Kalyan News : वाहतुक कोंडी दूर करण्यासाठी हाती फावडे, घमेली; खड्डे बुजवण्यासाठी वाहतूक पोलिसांचा पुढाकार

अभिजित देशमुख

कल्याण : कल्याणमधील वरदळीच्‍या रस्‍त्‍यावर खड्डे पडले आहेत. यामुळे अनेकदा वाहतुक कोंडी होत असते. याचा त्रास (Kalyan) वाहनधारकांना होत असतो. मुळात महापालिकेने खड्डे बुजविण्याचा दावा केला असताना खड्डे आहेत. हे खड्डे बुजविण्यासाठी (Traffic Police) वाहतुक पोलिसांनीच पुढाकार घेतला. (Maharashtra News)

कल्याण डोंबिवली शहरात काही रस्ते एमएसआरडीसी अंतर्गत येतात. तर बहुतेक रस्ते महापालिकेच्या अखत्यारित आहेत. पावसाळा आला की कल्याण डोंबिवली शहरात रस्त्यावर जागोजागी खड्डे पडून वाहन चालकांना वाहतूक कोंडीला सामोरे जावे लागते. खड्डे बुजवण्याचे काम सुरू असल्याचा दावा महापालिका (KDMC) तसेच संबंधित विभागाकडून करण्यात आला असला तरी परिस्थिती जैसे थे असल्याचे दिसून येते. या त्रासातून काही प्रमाणात सुटका व्हावी; यासाठी वाहतूक पोलिसांनी खड्डे बुजवण्यासाठी पुढाकार घेतला आहे.

फावडे, घमेली घेऊन उतरले रस्‍त्‍यावर

वाहतूक पोलिसांनी जेसीबी, हातात फावडे आणि घमेली घेऊन कल्याण छत्रपती शिवाजी महाराज चौकातील रस्त्यावर पडलेले खड्डे बुजवले. २४ तास वर्दळीच्या असलेल्या या चौकात वाहतूक कोंडी झाल्यास वाहणांच्या लांबचलांब रांगा लागतात. या ठिकाणी पडलेल्या खड्ड्यांमुळे या परिसरात मोठ्या प्रमाणात वाहतूक कोंडी होत होती. या पार्श्वभूमीवर वाहतूक पोलिसांनी पुढाकार घेत हे खड्डे बुजवले.