KDMC News : रात्री स्थलांतर दिवसा पुन्हा टेकडीवर; घरांवर कारवाईबाबत महापालिकेचा इशारा

अभिजित देशमुख

कल्याण : पावसामुळे कल्याण पूर्वेकडील कचोरे व नेतिवली टेकडी परिसरात दगड (Kalyan) कोसळण्याची शक्यता आहे. त्यामुळे परिसरातील १४० कुटुंबांना स्थलांतरणाच्या नोटीस देण्यात आल्या होत्या. त्यांचे स्थलांतर करण्यात आले. त्यामधील काही कुटुंब रात्री स्थलांतर होतात. मात्र दिवसा पुन्हा तिथेच येऊन राहत असल्याचे निदर्शनास आले. (Breaking Marathi News)

कल्याण शहरातील नेतीवली आणि कचोरे टेकडीवरील दरड कोसळण्याच्या घटना दरवर्षी पावसाळ्यात घडतात. या दुर्घटनेत नागरिक जखमी होत असले, तरी दरवर्षी या टेकडीवरील झोपड्याची संख्या वाढतच आहे. या टेकडीवर दुर्घटना घडण्याची भीती यंदाही व्यक्त होत आहे. या पार्श्वभूमीवर महापालिकेने (KDMC) पावसाळ्यात जून महिन्यात नेतिवली कचोरी टेकडीवरील १४० रहिवाशांना स्थलांतर करण्याच्या नोटिसा पाठवल्या होत्या. ईर्षाळवाडी दरड दुर्घटनेनंतर कल्याण डोंबवली महापालिका खडबडून जागी झाली. कल्याण डोंबिवली महापालिकेकडून या येथे चाळीस कुटुंबांना स्थलांतर करण्याचे काम हाती घेण्यात आले. यातील काही कुटुंबांचा स्थलांतरण करण्यात आलं असलं तरी काही नागरिक मात्र दिवसा पुन्हा याच ठिकाणी येऊन राहत असल्याचे निदर्शनास आले. 

या पार्श्वभूमीवर आज महापालिका (Dombivili) आयुक्त डीसीपी सचिन गुंजाळ यांनी या परिसराचे पाहणी केली. संबंधित नागरिकांना स्थलांतर करण्याबाबत फक्त सूचना देण्यात आलय. अन्यथा घरांवर कारवाई करण्यात येईल, असा इशारा देखील यावेळी महापालिका आयुक्तांनी दिला. तर महापालिकेच्या या भूमिकेचा स्थानिक नागरिकांनी विरोध केला. याआधी देखील या ठिकाणी दगड कोसळण्याचे अनेक घटना घडल्यात. याबाबत उपाययोजना करण्यासाठी महापालिकेकडे सातत्याने पत्र व्यवहार केला. मात्र महापालिका पावसाळा आल्यावर जागी होत असल्याचा आरोप नागरिकांनी केला.