जालना : तालुक्यातील मानदेऊळगाव येथील डोळस यांच्या घराजवळ पाऊस आल्‍याने आडोशाला उभ्या असलेल्या तरुणाला चोर समजून लाठ्या काढ्या आणि लोखंडी रॉडने (Crime) मारहाण केली. यात गंभीर जखमी झाल्याने रक्ताच्या थारोळ्यात पडलेल्या एका तरुणाचा दुर्देवी मृत्यू (Death) झाल्याची घटना रात्री पाऊनेनऊच्या सुमारास घडली. (Jalna Crime News)
संजय प्रभाकर पवार असे मृत्यू पावलेल्या आदिवासी तरुणाचे नाव आहे. घटनेनंतर (Jalna) मारहाण करणाऱ्यांनी पोलिसांना (Police) चोरी करणाऱ्या चोराला लोकांनी मारहाण केल्याचा माहिती दिली. त्यानंतर चंदणझिरा पोलिसांची मोबाईल व्हॅन घटनास्थळी दाखल झाली असता तरुणाचा तोपर्यंत मृत्यू झाला होता. पोलिसांनी मृत्यूदेह जालन्यातील शासकीय रुग्णालयात (Hospital) दाखल केला असता.
भावाने दाखल केली फिर्याद
पवार यांच्या नातेवाईकांना घटनेची माहिती आज दुपारी मिळाल्यानंतर त्यांनी जालना शासकीय रुग्णालयात धाव घेतली. याप्रकरणी मयत संजयचा भाऊ रामेश्वर पवार यांनी आपला भाऊ पाऊस आल्‍याने आडोशाला उभा असतांना तीन जणांनी त्यांचा तीक्ष्ण हत्याराने खून केला असल्याची फिर्याद दाखल केली. यानंतर पोलिसांनी संशयित तीन जणांविरुद्ध खुनाचा गुन्हा दाखल केला आहे. दरम्यान फिर्यादीनंतर विभागीय पोलिस अधिकारी यांच्यासह चंदणझिरा पोलिसांनी घटनास्थळी जाऊन या प्रकरणी अधिक तापस करत आरोपीचा शोध सुरू केला असून या प्रकरणी अधिक तपास चंदनझिरा पोलिस करत आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
