वाळू वाहतूकीसाठी पैशांची मागणी; बोदवड तहसीलदारासह तिघे अडकले

जळगाव : अवैधरित्‍या वाळू वाहतुक करत असलेल्‍याकडून पैशांची मागणी केली. या प्रकरणात आठ हजाराची लाच घेताना बोदवड तहसीलदारांसह चौघे जळगाव (Jalgaon) एसीबीच्या जाळ्यात अडकले. (jalgaon news Bodwad tehsildar and three others were caught taking bribe)

तक्रारदार यांचे वाळू वाहतूकीचा व्यवसाय आहे. अवैधरित्या वाळूची वाहतूक सुरू ठेवण्यासाठी अतिरिक्त पैशांची मागणी केली जात होती. वाळूची अवैध वाहतूक सुरू ठेवण्यासाठी आठ हजाराची मागणी केली होती. त्यानुसार तक्रारदाराने जळगाव लाचलुचपत विभागाकडे (Jalgaon ACB) तक्रार दिली होती. तक्रारीची पडताळणीसाठी जळगावच्या लाचलुचपत विभागाने आज सापळा रचला होता.

तहसीलदार, तलाठीसह दोघे ताब्‍यात

वाळू वाहतुकदाराकडून पैसे घेत असताना बोदवडचे तहसीलदार योगेश टोणपे यांच्यासह तलाठी, वाहन चालक आणि एका खासगी पंटरला जळगावच्या लाचलुचपत विभागाच्या पथकाने आठ हजाराची लाच (Bribe) घेतांना रंगेहात पकडले. या कारवाईमुळे महसूल विभागात प्रचंड खळबळ उडाली आहे.