रश्मी शुक्ला महाराष्ट्र पोलीस दलात परतणार ? उपमुख्यमंत्री फडणवीसांच्या भेटीनंतर चर्चांना उधाण

सुमित सावंत

मुंंबई : फोन टॅपिंगप्रकरणी पोलीस अधिकारी रश्मी शुक्ला (Rashmi Shukla) अडचणीत असतानाच आता राजकीय वर्तुळातून मोठी बातमी समोर आली आहे. रश्मी शुक्ला आणि राज्याचे उपमुख्यमंत्री तथा गृहमंत्री देवेंद्र फडणवीस यांच्यात खलबतं झाली आहेत. दरम्यान(Devendra Fadnavis) फडणवीस यांच्या भेटीनंतर रश्मी शुक्ला पुन्हा चर्चेत आल्या आहेत. त्यामुळे शुक्ला पुन्हा महाराष्ट्र पोलीस दलात परतणार, अशी शक्यता निर्माण झाली आहे.

मिळालेल्या माहितीनुसार, सध्या रश्मी शुक्ला केंद्रीय प्रतिनियुक्तीवर सीआरपीएफमध्ये अतिरिक्त महासंचालक आहेत. महाविकास आघाडी सरकारच्या काळात दाखल झालेल्या फोनटॅपिंग प्रकरणात शुक्ला आरोपी आहेत. पोलीस अधिकाऱ्यांच्या बदल्यांसाठी भ्रष्टाचार होतो, असा अहवाल शुक्ला यांनी तयार केला होता.

हा अहवाल लिक झाल्याने रश्मी शुक्ला यांच्यावर आरोप करण्यात आले. फडणवीस सरकारच्या काळात रश्मी शुक्ला राज्य गुप्तवार्ता विभागाच्या प्रमुख होत्या. आरोप झाल्यानंतर शुक्ला केंद्रीय प्रतिनियुक्तीवर सीआरपीएफमध्ये गेल्या. आता शिंदे- फडणवीस सरकार आल्यानंतर शुक्ला पुन्हा महाराष्ट्र पोलीस दलात वरिष्ठ पदावर येण्याची शक्यता आहे.

Edited By - Naresh Shende