IT Raid In Nagpur: आयकर विभागाची मोठी कारवाई; शहरात १० ठिकाणी छापेमारी

Nagpur News: नागपूरमधून एक मोठी बातमी समोर आली आहे. शहरात एकून १० ठिकाणी आयकर विभागाने छापे मारले आहेत. हवाला आणि कन्स्ट्रक्शनशी संबंधित असलेल्या व्यक्तींवर आयकर विभागाकडून छापे टाकण्यात आलेत.(Latest Marathi News)

मिळालेल्या अधिक माहितीनुसार, प्राप्तिकर विभागाने नागपुरातील 10 हून अधिक ठिकाणी छापे टाकले असून 7 हून अधिक जणांच्या वेगवेगळ्या ठिकाणी हे छापे टाकण्यात आले आहे. यामध्ये रवि अग्रवाल, लाला जैन, शैलेश लखोटिया, इज़राइल सेठ, तन्ना यांच्या 10 ठिकाणावर आयकर विभागाचे छापे टाकलेत. मुंबई सहित नागपूरच्या टीमने ही कारवाई केली आहे.

हे सर्व व्यावसायिक हवाला, बांधकाम व्यवसायाशी संबंधित आहेत.त्यांच्या कंपन्यांमध्ये करविषयक आर्थिक अनियमितता झाल्यामुळे हे छापे पडल्याची माहिती आहे. 10 हून अधिक ठिकाणी आयकराचे (Income Tax) छापे पडले असून छापे टाकण्यासाठी मुंबईतील पथक पहाटे नागपुरात पोहोचले.