शेतकऱ्यांनो जनावरांना जपा, नव्या रोगाचे थैमान

अहमदनगर ः तालुक्यातील पळवे परिसरातील अनेक जनावरांना लाळ्या खुरकूत व घटसर्पची लागण झाली आहे. काही जनावरे दगावलीही आहेत. त्यामुळे लसीकरण मोहीम तालुकाभर राबविण्यात यावी, अशी मागणी शेतकऱ्यांकडून होत आहे.

पळवे परिसरात मोठ्या प्रमाणात दुग्धव्यवसाय केला जातो. दुभत्या जनावरांबरोबरच इतरही जनावरांची संख्या मोठी आहे. लाळ्या खुरकूत होऊ नये म्हणून दर वर्षी जनावरांचे लसीकरण केले जाते. मात्र, या वर्षी त्याकडे दुर्लक्ष झाल्याने जनावरांना या आजाराची लागण झाली आहे. त्यामुळे दूधउत्पादक शेतकरी हवालदिल झाले आहेत. In Ahmednagar district, a new disease has killed animals

अनेक जनावरांना या रोगाची लागण झाली आहे. त्यामुळे तातडीने लसीकरण करणे गरजेचे आहे. आधीच शेतीमालाला व दुधालाही बाजारभाव नाही. त्यातच, या आजाराने जनावरे दगावत असल्याने शेतकरी संकटात सापडला आहे.

शासकीय पशुवैद्यकीय केंद्रात लस मिळत नसल्याने ती विकत घ्यावी लागत आहे. तीसुद्धा नगर येथून आणावी लागत आहे. लसीकरण वेळेत झाले असते, तर हे संकट टळले असते. In Ahmednagar district, a new disease has killed animals

- नानाभाऊ गाडीलकर, दूधउत्पादक शेतकरी

तालुक्यात लसीकरण व उपचार सुरू आहेत. लवकरच साथ आटोक्यात येईल. दगावलेल्या जनावरांच्या उत्तरीय तपासणीचा अहवाल आला आहे. वरिष्ठांनीही भेटी दिल्या आहेत. सर्व शेतकऱ्यांनी जनावरांचे लसीकरण करून घ्यावे.

- डॉ. दर्शना रेपाळे, पशुवैद्यकीय अधिकारी, पंचायत समिती