Maharashtra Rain Alert : दिवाळी संपली तरी पाऊस जाईना, पुढचे २ दिवस महत्वाचे; मुंबईसह २६ जिल्ह्यांना झोडपून काढणार

राज्यातुन मान्सून माघारी गेला असून पावसाला पोषक वातावरण निर्माण झालं आहे. त्यामुळे पुढील काही दिवस पावसाची शक्यता हवामान विभागाने वर्तवला आहे. आज मुंबईसह २६ जिल्ह्यांना हवामान विभागाचा यलो अलर्ट देण्यात आला आहे. त्यामुळे नागरिकांना सतर्क राहण्याचे आवाहन करण्यात आले आहे.

आज मुंबई शहर,मुंबई उपनगर , ठाणे,रायगड, पालघर,रत्नागिरी, सिंधुदुर्ग, नाशिक , अहिल्यानगर , पुणे,सातारा,सांगली, कोल्हापूर,सोलापूर, बीड, धाराशिव, लातूर, नांदेड,परभणी, हिंगोली, बुलढाणा, अकोला अमरावती, यवतमाळ, वाशीम, नागपूर या जिल्ह्यांना हवामान खात्याने यलो अलर्ट जारी केला आहे. दरम्यान या जिल्ह्यांसाठी पुढील काही दिवस महत्त्वाचे आहेत.

महाराष्ट्रात ऑक्टोबर हिट मुळे दुपारच्या वेळेस बाहेर पडणं नागरिकांसाठी तापदायक ठरत आहे. मात्र पावसाच्या उघडीपमुळे नागरिकांना काहीसा दिलासा मिळाला आहे. किमान तापमानात घट होऊ लागल्याने पहाटे गारवा वाढू लागला आहे. तर काल कोकणासह, मुंबईत पावसाने हजेरी लावली.

दरम्यान हवामान विभागाने पुढील काही दिवस महत्त्वाचे असून पावसाची उघडीप सुरु राहणार असल्याचे म्हटले आहे. तसेच नागरिकांना सतर्क राहण्याचे आवाहन करण्यात आले आहे. यंदाच्या ऐन दिवाळीत पाऊस पडल्याने नागरिकांच्या आनंदावर विरझन पडले आहे.