"कोरोना संकटात महाविकास आघाडी सरकारचा प्रत्येक घटक काम करतोय"

खेड : कोरोनाचे संकट नियंत्रणात आलंय मात्र, दुस-या बाजुला कारखानदारी,सेवा व्यवसाय, सर्व्हिस सेंटर, शेती, या सर्व क्षेत्रात पिच्छेहाट झालीय. या क्षेत्रांना उभारी देण्याचे काम करत असताना केंद्र सरकारने एक कवडीची सुद्धा राज्याला मदत केली नसल्याचा गंभीर आरोप, मंचर येथे आयोजित कार्यकर्ता मेळाव्यात बोलताना दिलीप वळसे पाटलांनी केला आहे.

हे देखील पहा :

वेळ पडली तर कर्ज काढुन राज्यातील समस्या सोडविणार

राज्याचं बजेट कोरोना महामारी संकट काळात पूर्णपणे खर्च झालंय, तर दुसरीकडे केंद्र सरकार राज्याचे जीएसटीचे पैसे आणि इतर मदत द्यायला तयार नाही. अशा परिस्थितीत राज्याचा कारभार करावा लागत असून वेळ पडली तर कर्ज काढून राज्यातील समस्या सोडविणार असल्याचे गृहमंत्री दिलीप वळसे पाटील म्हणाले.

राज्यात आवकाळी पाऊस, चक्रिवादळ, दुष्काळी संकट, या सर्व गोष्टींचा सामना करत शेतकरी अडचणीत आहे शेतकरी वर्गाला मदत देण्याची भुमिका ठेवून राज्याच्या विकासाचा गाडा पुढे घेऊन जात असताना गेल्या सहा महिन्यापासुन केंद्रीय तपास यंत्रणांचा वापर करुन काहीतरी निमीत्त काढुन महाविकास आघाडीच्या नेत्यांना योग्य आणि अयोग्य काय याचा विचार न करता खंडीत आढवायचा प्रयत्न केला जातोय. जो चुकीचा वागला असेल त्याच्यावर कारवाई करण्यास हरकत नाही. मात्र, भाजपाच्या एकाही नेत्यावर कारवाई होत नाही याचा अर्थ राजकिय दुष्टीकोन डोळ्यासमोर ठेवुन राज्यातील सरकार यांच्या डोळ्यात सलतंय आणि महाविकास आघाडी सरकार अस्थिर करण्यासाठी केंद्रीय तपास यंत्रांचा वापर केला जात असल्याचा गंभीर आरोप गृहमंत्री दिलीप वळसेपाटीलांनी यांनी केलाय.

Edited By : Krushnarav Sathe