Bribe Trap: तलाठ्याला तीन हजाराची लाच घेणे पडले महागात

शुभम देशमुख 

गोंदिया : शेत जमिनीच्या नोंदणीत फेरफार करण्याच्या कामासाठी पैशांची मागणी केली. तलाठ्याला तीन हजार रूपयाची लाच (Bribe) घेतांना लाचलूचपत प्रतिबंधक विभागाच्या अधिकाऱ्यांनी रंगेहाथ पकडले. (Gondia) गोंदिया जिल्ह्यातील नैनपूर येथे ही घटना घडली आहे. (Maharashtra News)

गोंदिया जिल्ह्यातील सडक अर्जुनी तालुक्यात येत असलेल्या नैनपूर येथे ही घटना घडली आहे. या प्रकरणात तक्रारदाराकडून आरोपीने शेतजमीच्या बक्षीसपत्राची नोंदणी प्रत व फेरफार करून देण्यासाठी लाच मागितली होती. सुरेन मुन्ना मारगाये असे लाचखोर तलाठ्याचे नाव आहे.

तलाठ्याने लाच मागितल्याने याबाबत तक्रारदाराने (ACB) लाचलुचपत विभागाकडे तक्रार दिली. त्यानुसार सापळा रचून तलाठ्याला तीन हजार रूपयाची लाच घेतांना रंगेहाथ पकडण्यात आहे आहे. गुन्हा नोंदणीचे काम सुरु होते.