Gondia News: अवैधरित्या गांजाची साठवणूक; पोलिसांच्‍या करवाईत मुद्देमाल जप्‍त

गोंदिया : अवैधरित्या गांजाची साठवणूक करून विक्री करीता बाळगले होते. या प्रकरणी ३३ किलो ६८८ ग्रॅम गांजासह एकास अटक केली आहे. (Gondia News) त्‍याकडून ६ लाख ७३ हजार ७६० रुपयाचा मुद्देमाल जप्त केला आहे. (Live Marathi News)

गोंदिया जिल्ह्यातील सर्व पोलीस ठाणे हद्दीत चालणाऱ्या अवैध धंद्यांवर धाडी घालून कारवाई करून सर्व अवैध धंदे नष्ट करण्याचे, तसेच अवैध धंद्यांवर आळा घालण्याकरीता अवैध धंदे करणाऱ्यावर कारवाई करण्याचे निर्देश पोलिस अधीक्षक यांनी दिले आहे. या अनुषंगाने गोंदिया स्थानिक गुन्हे शाखेच्या पथकाला खात्रीलायक माहिती मिळाली होती. त्‍यानुसार पोलिसांनी कारवाई केली आहे.

घरात अवैधरित्या साठवणूक

मिळालेल्‍या माहितीनुसार खुशाल उर्फ पप्पु अगडे (रा. श्रीनगर, गोंदिया) याने विक्री करीता अवैधरित्या गांजाचा साठा राकेशसिंग उर्फ बंटी खतवार (ठाकूर) याच्या घरात अवैधरित्या गांजा साठवणूक करुन ठेवलेला आहे. स्थानीक गुन्हे शाखेच्या पथकाने धाड टाकत खरातून ३३ किलो गांजा जप्त करण्यात आला आहे. त्यांची एकूण किंमत ६ लाख ७३ हजार ७६० रूपये इतकी असून एक आरोपीला अटक करण्यात आली तर एक अरोपी फरार असून त्याचा शोध पोलिस घेत आहेत.