Parbhani News : सामूहिक कार्यक्रमात मांसाहारावर मारला ताव अन्... अवघ्या काही वेळात 13 जणांना रुग्णालयात न्यावं लागलं

Gangakhed News : परभणी (parbhani) जिल्ह्यात मांसाहर जेवण केल्यानंतर सुमारे तेरा जणांना विषबाधा झाल्याची घटना घडली. यामुळे तातडीने विषबाधा झालेल्या नागरिकांना रुग्णालयात नेण्यात आले. सध्या त्यांची प्रकृती स्थिर असल्याची माहिती मिळत आहे. (Maharashtra News)

ही घटना परभणी जिल्ह्यातील गंगाखेड तालुक्यातील दगडवाडी येथे घडली. या ठिकाणी सामूहिक जेवणातून 13 जणांना विषबाधा झाल्याने बुधवारी दुपारी एकच गाेंधळ उडाला. यावेळी नागरिकांना तातडीने रुग्णालयात नेण्यात आले.

याबाबत मिळालेली माहिती अशी : सर्व 13 जणांना मांसाहार खाल्ल्यानंतर त्यांना पोटदुखी, मळमळ, उलटी, चक्कर येण्यास सुरुवात झाली. ही लक्षणे झाल्यानंतर सर्वांना प्रथम उपचारासाठी गंगाखेडच्या उपजिल्हा रुग्णालयात (gangakhed hospital) दाखल करण्यात आले होते. या सर्व 13 जणांची प्रकृती स्थिर आहे.

Edited By : Siddharth Latkar