गणेशोत्सवात ३८० स्पेशल ट्रेन; पनवेल-चिपळूण दरम्यान धावणाऱ्या ६ ट्रेन कुठे-कुठे थांबणार? वाचा

Ganesh Utsav : भारतीय रेल्वेने २०२५ साली ३८० गणपती विशेष गाड्यांच्या सेवा चालविण्याची घोषणा केली आहे. जी आतापर्यंतची विक्रमी संख्या असून प्रवाशांचा सणासुदीच्या वेळी प्रवास अधिक सुकर व आरामदायी होईल. २०२३ मध्ये एकूण ३०५ गणपती विशेष ट्रेन सेवा चालवण्यात आल्या, तर २०२४ मध्ये ही संख्या ३५८ होती. मध्य रेल्वेने गेल्या काही वर्षांमधील प्रथमच ३०२ विशेष सेवा उपलब्ध करून देत महाराष्ट्र आणि कोकण विभागातील सणासुदीच्या काळात येणारी प्रचंड प्रवासांची वाढती मागणी पूर्ण केली आहे.

गणेशोत्सव विशेष गाड्यांचे कोकण रेल्वेवरील थांबे पुढीलप्रमाणे नियोजित करण्यात आले आहेत :

कोलाड, इंदापूर, माणगाव, गोरेगाव रोड, वीर, सापे वामणे, करंजाडी, विन्हेरे, दिवाणखवटी, कळंबणी बुद्रुक, खेड, अंजनी, चिपळूण, कामथे, सावर्डे, आरवली रोड, संगमेश्वर रोड, रत्नागिरी, अडावली, विलोवडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग, कुडाळ, झाराप, सावंतवाडी रोड, माडुरे, थिवी, करमळी, मडगाव जं., कारवार, गोकर्ण रोड, कुमटा, मुरूडेश्वर, मूकांबिका रोड, कुंदापूर, उडुपी, मुल्की आणि सुरतकल.

गणेशोत्सव पूजा २७ ऑगस्ट ते ६ सप्टेंबर २०२५ दरम्यान साजरी करण्यात येणार असून, (श्री गणेशाचे आगमन होणार असून २७ ऑगस्ट ते ६ सप्टेंबर २०२५ पर्यंत असेल) प्रवासी गर्दी लक्षात घेता २२ ऑगस्ट २०२५ पासून गणेशोत्सव विशेष गाड्यांचे संचालन सुरू करण्यात आले आहे. उत्सव जवळ येत असताना या गाड्यांची संख्या टप्प्याटप्प्याने वाढविण्यात येत आहे.

पनवेल आणि चिपळूण दरम्यान ६ अनारक्षित गणपती विशेष रेल्वे सेवांची घोषणा करण्यात आली आहे.

पनवेल - चिपळूण अनारक्षित गणपती विशेष (६ सेवा)

01159 अनारक्षित विशेष ट्रेन पनवेल येथून दि. ०५.०९.२०२५, ०६.०९.२०२५ व ०७.०९.२०२५ रोजी १६.४० वाजता सुटेल व चिपळूण येथे त्याच दिवशी २१.५५ वाजता पोहोचेल. (एकूण ३ सेवा)

01160 अनारक्षित विशेष ट्रेन चिपळूण येथून दि. ०५.०९.२०२५, ०६.०९.२०२५ व ०७.०९.२०२५ रोजी ११.०५ वाजता सुटेल व पनवेल येथे त्याच दिवशी १६.१० वाजता पोहोचेल. (एकूण ३ सेवा)

थांबे : सोमटने, आपटा, जिते, पेण, कासू, नागोठणे, रोहा, कोलाड, इंदापूर, माणगाव, गोरेगांव रोड, वीर, सापे वामने, करंजडी, विन्हेरे, दिवाणखवटी, कळंबणी बुद्रुक, खेड आणि अंजनी.

संरचना: ८ मेमू कोच