अमानुष! चौथीच्या विद्यार्थिनीला २०० उठाबशांची शिक्षा

संजय डाफ

नागपूर : शिकवणी Class साठी वर्गात उशिरा का आली ? या कारणाने वय वर्षे नऊ असलेल्या एका चिमुकलीला १०-१५ नाही तर तब्बल २०० उठाबशा काढण्याची शिक्षा दिल्याचा संतापजनक प्रकार भिवापूर Bhivapur तालुक्यातील महालगाव येथे उघडकीस आला आहे. या शिक्षेमुळे मुलीची प्रकृती बिघडली आहे. सदर घटना ६ जुलैला घडली आहे. तर संबंधित शिक्षिकेवर गुन्हा नोंदविण्यात आला आहे.

हे देखील पहा-

जिल्हा परिषद शाळेची विद्यार्थिनी गाथा कपिल ही इयत्ता चौथीच्या वर्गात शिकत आहे. गट शिक्षणाधिकारी यांनी दिलेल्या माहितीनुसार, वर्ग चौथीची जबाबदारी आंचल कोकाटे या शिक्षिकेकडे आहे. गाथा शिकवणी वर्गात उशिरा पोहोचली. तर कोकाटे हिने तिला या गोष्टीसाठी तब्बल २०० उठाबशा मारण्याची शिक्षा ठोठावली, अशी माहिती सूत्रांनी दिली आहे.

याबाबत बेला येथील सहाय्यक पोलिस निरीक्षक पंकज वाघोडे यांना विचारणा केली त्यावेळेस सांगण्यात आले, त्यांनी आचल कोकाटे (वय २१, रा. महालगाव), राजेश चौधरी (वय ४०, रा. नागपूर), पांडुरंग बुचे यांच्यावर गुन्हा नोंदवला आहे. चौकशी झाल्यावर दोषींवर कारवाई होईल.

Edited By-Sanika Gade