काँग्रेसमध्ये काही दिवसांपूर्वी प्रवेश केलेले माजी आमदार बाबाजानी दुर्राणी यांच्या अडचणीत वाढ झाली आहेत. पाथरी येथील बेकायदेशीर अतिक्रमणाच्या चौकशीसाठी SIT स्थापन केली जाणार आहे. या चौकशीसाठी महसुल विभागाने SIT स्थापनेबाबत परिपत्रक काढलं आहे. या प्रकरणात संभाजीनगर विभागीय आयुक्तांच्या अध्यक्षतेखाली चौकशी होणार आहे.
पाथरीतील बेकायदेशीर अतिक्रमणाच्या चौकशीसाठी एसआयटीमध्ये विभागीय आयुक्त,परभणी अप्पर जिल्हाधिकारी,आयुक्त तथा संचालक नगरपरिषद प्रशासन संचालनालय,संचालक नगर रचना आणि मूल्य निर्धारण संचालनालय पोलीस अधीक्षक या अधिकाऱ्यांची नियुक्ती करण्यात आली आहे. एसआयटीने ३ महिन्यात ३ महिन्यात संपूर्ण चौकशी करून शासनाला अहवाल देण्याचेही आदेश दिले आहेत.
या चौकशीबाबत विधानसभेच्या अर्थसंकल्पीय अधिवेशनात कांग्रेस आमदार साजिद पठाण यांनी लक्षवेधी मांडून चौकशीची मागणी केली होती. त्यामुळे काँग्रेसचे माजी आमदार बाबाजानी दुर्राणींच्या अडचणीत वाढ झालीये.
साजिद पठाण म्हणाले, 'परभणीत बेकायदेशीररित्या व्यापारी संकूल बांधण्यात आला. ते नियमाच्या बाहेर आहे. या बांधकामाचा अहवाल देखील आला. व्यापारी संकूल बेकायदेशीर आहे. या संकूलावर कोणतीही कारवाई करण्यात आलेली नाही. तिथे बाबाजानी प्रभावशाली आहेत, त्यांना एका पक्षाचं संरक्षण आहे. एवढी त्यांची दादागिरी आहे.
बाबाजानी यांनी ७ ऑगस्ट रोजी मुंबई येथे काँग्रेसचे प्रदेशाध्यक्ष हर्षवर्धन सपकाळ यांच्या उपस्थितीमध्ये काँग्रेसमध्ये प्रवेश केला. देशपातळीवर काँग्रेस पक्ष हा भाजप विरोधात लढत असल्याने आपण काँग्रेसमध्ये जाण्याचा निर्णय घेतला असल्याचे बाबाजानी यांनी सांगितले होते. बाबाजानी दुर्राणी यांनी मागच्या महिन्यात अजित पवार यांच्या राष्ट्रवादीत प्रवेश करण्याची तयारी केली होती.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.