बीडच्या माजलगावातून विश्वासाला तडा देणारी एक धक्कादायक घटना समोर आली आहे. माजी नगराध्यक्ष यांनी सख्ख्या बहिणीची फसवणूक केली आहे. त्यांनी बहिणीचा प्लॉट पत्नीच्या नावे केला आहे. हे प्रकरण उघडकीस आल्यानंतर बहिणीनं थेट पोलिसांत धाव घेतली. त्यांच्या फिर्यादीवरून पोलिसांनी एकूण ५ जणांविरोधात गुन्हा दाखल केला आहे.
अशोक हाके असे माजी नगराध्यक्षांचे नाव आहे. त्यांनी आपल्या सख्ख्या बहिणीची फसवणूक केली आहे. अशोक यांनी बहिणीच्या नावे असलेला प्लॉट नगरपालिकेच्या कर्मचाऱ्यांशी संगनमत करून थेट आपल्या पत्नीच्या नावावर करून घेतला. विशेष म्हणजे, अवघ्या १०० रुपयांच्या बॉण्ड पेपरवर बनावट सह्या करून खोटं हक्क सोडपत्र तयार करण्यात आलं.
या प्रकरणाची माहिती संबंधित बहिणीला मिळताच त्यांनी थेट माजलगाव शहर पोलीस ठाणे गाठले. तसेच तक्रार दाखल केली. महिलेनं दाखल केलेल्या तक्रारीनुसार, पोलिसांनी अशोक होके, त्यांची पत्नी उज्ज्वला होके आणि नगरपालिकेचे तीन तत्कालीन कर्मचारी, अशा ५ जणांविरोधात फसवणुकीचा गुन्हा दाखल केला.
सध्या माजलगाव शहर पोलीस या प्रकरणाचा अधिक तपास करत आहेत. दरम्यान, या घटनेनंतर परिसरात खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.